Paletwa Peng ah CNA Ralkap an Phan SAC Ralhrang An Thin Phang

 Paletwa peng chung ah CNA ralkap an phan timi thawngpang ruang ah SAC ralhrang nih khuate cheukhat ah ralkap thazaang chapnak le runvennak chah khun in laknak an tuah, tiah khua upa pakhat nih The Chin Journal ah a chim.

CNA ralkap an phan an ti i ralkap thazaang chapnak le runvennak ahlan nakin chah khun in laknak pawl an tuah. Abikin, Paletwa he meng 8 hrawng a hlatnak Thamantha khuate ah thazaang an chap ngai. Khuami pawl zong zinglei sml. 8:00 in zaanlei sml. 4:00 karlak lawng lengchuah onh an si,” tiah a chim.

thamantha khua pawng Tingletwa khuate zong ah SAC ralhrang an um i kiangkap khuate pawl ah zaantlai hnu checknak tibantuk zong an tuah,” tiah a chim chap.  Aluancia November 9 zong ah khan Matupi-Sami larlak ah CDF-Paletwa nih SAC ralhrang pawl an kah hna i ralhrang 11 an thi, tiah thawng an rak chuah.Siangin Cachimtu Sayamah Nu Nih Ralhrang Nih Kah Fatin I Thuh Len Ka Duh Tilo Meithal Tlaih In Kahdoh Ve Kaduh Cang Hna Caah Meithal Cawknak Mipi Bawmh Ahal Hna. Siangin cachim tu pakhat nih a sining vialte a facebook cahmai ah avun langhter ii a herhbau nak tete atanglei bangin bawmh a vun hal. Keimah hi a hlan ahcun siangiin ca chimtu sayamah pakhat karak si. Atu hi PDF-Kalay (2) dirhmun in khua a sami ka si. February thla tekhan CDM cawlcangh nak ah aa tel cangmi ka si.

Ralhrang duhlo nak langhter in ka cawkcangh tikah nu le pa chungkhar zong an thin arak phang. April thla khan Non CDM tuah tthan dingah auh ka si. Cu ticun minthut tthan dingah thil pakhat he ka chuak. Inn lei pehtlaih nak zong tuahloin raldoh cawnnak lam ka kawl. June thla ah ka hawi le thawngin CNA (CNF) sinah thlahnih chung raldoh ka cawng. August ah ka training ka dih ii PDF Kalay (2) ah kalut.

Kannih pawl cu ahohmanh nih bawmhchanh mi kan silo. Hriamnam zong kan i cawk khawhlo tikah ralhrang nih an kan kahdoh fatin aa thup pengmi dirhmun in khua kan sa hna. Asinain atucu meithal tlaih in kahdoh ve ka duh cang hna. Cu caah nu le pa u le nau hna meithal cawlnak caah nan ruah khawh tawk te bawmh kan hal ko hna.NUG nih Suimilam Pathum chung ah Tangka Sachoh $3 Million man a Zuar Khawh Colh, NUG nih nihin zaanlei sml. 2:00 thawk in tangka sachoh (ငွေတိုက်စာချုပ်) zuar hram a thawk i suimilam pathum chungte ah US tangka ting 30 ($3million) a zuar khawh manh cang. Tangka sachoh timi cu acozah nih sachoh a cawtu rammi sin in tangka (a karh in) aa cawimi a si i atutan NUG nih a zuarmi sachoh i kum 2 chung ca a si.

Nihin November 22 zinglei 9:00 in zuar ding in timhtuah a si nain sacoh an zuarnak website security lei ttha deuh in an sersiam caah zaanlei sml. 2:00 tu ah an zuar tthan hi a si. NUG Tangka Sachoh zuarnak in an hmuhmi tangka vialte cu atulio Myanmar ramchung dothlennak ca ah akenkip in hman a si lai, tiah NUG nih thawng an thanh.

Be the first to comment

Leave a Reply

Your email address will not be published.