Pasal Angei Ding Mi Nu Pohpoh Nih Theih Hrimhrim Ding Mi Thil Pa (10)

“Ka fanu na chuahnak run-inn cu chuahtaak in ,ka ttang nem in nai tthen i,na nun chung ttang nem pom dingin na kan chuah taak. Cucaah, kei hringtu na pa nih na philh lo i nai cinken peng ding mi bia cah 10 he kan thlah hi awh, ka fa nu.

1. Ka bia naak in na pasal/na va nawl kha ngai deuh,zul deuh.A sinah na nun chung a um ding na si caah na tuah awk a si. 2. Inn chungkhat caah ,na thinlung pe dih law,na kal taak mi,na nu le na pa inn i na um lio,a nuamhnak kha chim hna hlah.

3. Na Va/na pasal cu na ttihzah lai.Na dawt taktak lai i na upat fawn lai.Mah le pasal a ttihzah mi le a upat mi paoh an nunnak ah nuamhnak le lung nuamhnak a ngei. 4.Na pasal theih lo in zeihmanh,na nu le na pa hi thil siseh tangka siseh kan pe hlah.Na kan peek ahcun na nu le na pa hi mi fiir ah na kan ser a si ko lai.

5. Na pasal le a hawikawm cu hmunkhat ah an tthu hna i zeizeimaw an iceih ah khan,na psal nih tthu ve ding in an ti lo ahcun an pawng ah va tthu hlah.Patling lawngte an si i,nu nih theih lo ding ba a um ti kha thei law an herh mi tu pe dingin rak i ralring deuh.

6. Na pasal/na vapa cu holh hraang in chawn hmasa hlah,na pasal a thin a hun sual zongah holhka nem in chawnhbiak chih peng i tim law,na pasal thinhun a dam chawm lai i,nupa nuam nan si tthan lai. 7.Na pasal hawi le kha sau deuh kawm hna hlah,caan sau an mit ah zoh fawn hna hlah,nupa i uhttanhnak hi nuthlawi hram i thawknak a si tawn.

8. Na pasal cung i na lung a tlin lonak,na unau sin ah maw,kei le na nu sin ah maw chim hlah awh,kan thin kan in hun pi sual lai i thil ttha lo a chuak sual ko lai i,na pasal cu mi sual ah kan in hmuh piak lai,nang zong ti sual caan a ngei ve lengmang mi na si kha philh hlah.

9. Na pasal sinah na lung a tlinlonak maw,na thinhunnak maw,a um ahcun,na pasal a chungkhat le a nu le pa sinah na chimh han lai,a ngakchiat lio in a sining a theitu an si hna caah an mah nih an theih lai,cucu nan pahnih caah a ttha deuh suammau.

10. Na nu le na pa le na unau le nak hmanh in,na pasal nu le pa le a u le nau hna kha daw deuh cang hna,cucu kan sin in nang cu nai tthen cang i,nuthar le pathar,u le nau thar cu pei nai hmuh cang fawm hna cu mu!na thinhun lio ah khan,Bawipa sinah thlacamnak kha thawk cawlh law thlacam philh hlah.Ka mithmuh ah na um ti lo, a sinain kan Pathian nih cun an hmuh peng kha philh sual lai cih mu,ka fanu. By-Tinduh Thang

Be the first to comment

Leave a Reply

Your email address will not be published.


*