Pasal Na Neih Hnu Ah Ca Na Tial Ti La Maw Tiah A Ka Halmi Pawl Kha Bia Leh Nak

Kum (2) chung ca ka tial ti lo. 2020 ah cauk chuah kai tim. Covid nih a kan den caah ka peh zulh kho tilo. ah seh ka ti than MAL nih a kan den than. Ka computer zong a rawk. Ka tial cia vialte zong an tlau dih. A thar in ka thok than ko la. Chungkhar he rian he a si tik ah catial duhnak thinlung ngeih zongah ai tial kho lo.

Ca rel van duh zongah Coffee te he biden ah thut in khuaruah pah seih-ku-zin pah pah zong ngah ti hlah.Zeiruangah Catial ka pehzulh.Keimah le keimah kai hal lengmang. Aruangcu catial cu thinlung le thluak a ba tuk. Thinlung le thluak bat cu cu midang nih hmuh piak khawh a si lo tikah chungkhar he si hnu cun ngol a fawi te.

Laimi Zatlang chungah muidawh, Awtha tampi hna cu Pasal an neih tiang khi cu an um rih ko, fa an van neih cun an tlau. An min le an mui zong an tlau dih. Cu a ruang cu,Pawngkam nih pasal an neih hnu le fa an neih hnu cun an nungak lio tluk in kan uar ti hna lo. Show tbk zongah kan sawm duh ti hna lo.

An mah pumpak nih an duh, an huam ko zongah pawngkam nih nutun hnu fa neih hnu ah…hlasak show va kai tbk kha zohchia ah kan ruah. An professional a si tiah kan hmuh piak kho hna lo. Kan zatlang chungah an professional kha uar loin (marriage le rriage lo) ah kan uar nak hna ai hngat.

Pawngkam nih chungkhar he an si hnuah dirkamh le cawithlir loin Pasal le fa neih hnu ahcun hlasak le catial hi cu ngol ding siko,tiah thazang peknal silo in an professional sinak tu kan hrawh piak hna.

Pasal na neih hnu ah ca na tial ti la maw tiah a ka halmi pawl kha Cauk chuah ninglaw nan rel duh la maw.tiah hal kan duh ve hna.Kan pahrang,kan thiamnak cu Jesuh nih a kan pekmi a si caah rak kan zuah piak ko uh.Crd:Lovely Nancy.