Pasaltha Hna Thil Tuah Cu Uar Um Taktak Mah Hi Ding Bak Hi Si Ko SAC Hna Cu 24 An

Mandalay in Sagaing lei ah nizaan April 21 ah thazaang chap in rallam a samh mi SAC ralkap motor le palik motor hna cu nihin April 22 zinglei ah kahdoh an si i SAC ralkap 13 an thi, tiah tualchung mipi vengtu ralkap nih an thanh.

April 22 zing Sml 10:00 Mandalay-Monywa lam, Monywa in Minmu lei kalnak Koipintaw, khua le Bo Mingyi Kin  kar ah motor pahnih in a kal mi SAC ralkap 20 hrawng cu Myaung-PDF le CDSOM nih bomb an puah hnawh hna, tiah theih a si.

Bomb lungli aa thuanh mi bomb in puah an si i, motor hmailei le a sirlei a rawk. SAC ralkap 8 an thi i, a dang 15 cu an zaam. Cu hnu ah Bomb lung 11 in puahhnawh an si ṭhan i SAC ralkap a thi mi an tam ngai ngai, tiah Myaung- PDF le CDSOM nih thawng an thanh.

Cun, April 22 zing Sml 11:00 ah Sagiang in Monywa lei ah a kal mi palik motor 24 aa zul mi cu Minmu peng, Wonpyae le Allakappa, khua karlak ah bomb puah hnawh an si i motor pakhat a rawh lengah palik 5 an thi, tiah DK PDF-MUU nih thawng an thanh.

Minmu peng kahdohnak ah hin Minmu khuapi ah dirh mi DK PDF-MUU, Blak Eagle Defense Force MUU, CDSOM -Myaung, PAFD le ṭangrual phunga i bawn in an kah hna, ca ah a tu ban tuk SAC ralhrang rual hna cu kan tei hna tiah ca thang an chuah.

Thawngdang,theih tleih.Kan ram a buai ruangah mah le khua le ramah um ngam lo in himnak kawl duh ah hmun kip ah kan zaam hna i,kan zaam cio hna,hi kong ah hin a hohmanh nih i mawhchiat khawh kan si lo,ziah na zaam,ziah na kal ve,ziah khua na hlumh lo kan i tikhawh mi pakhathmanh a um lo,mah le him nak hmun kawl cio a si ko caah kan dirhmun hi kan itheihpiak thiam cio hi a herh ko hih.

Kan ram a buai caah hmunkip ah kan zaam hna ka ticang bantuk in,New Delhi zong ah nichiar in kan miphun a rak zaam mi hi an karh chin lengmang i,keimah tuaktan khawh mi ahcun,a tlawmbik in tukum thla 4 deengmang chung ah hin nikhat ah 10 lengmang tluk hi cu an phan kho men,a ruang cu.

delhi ah kan miphun chungin Motor a ngei mi tete hi kan hawi le deuh lawngte an si hna i,cu hna nih nichiar an dawn mi hna chungin ka tuak mi a si i,nikhat ah pahra tang tumlo hi cu an phanh hi zumh a si ko.

Delhi an phanh tikah rat sawh si lo in ralzaam sinak cu an hal cio hna,a cheukhat cu thil ka thei tiin,kum tampi a um cia mi,kan hruaitu maw,thil sining hal lemlo in anmah nih an izumh ning in ralzaam sinak cu an sawk hna.Ralzaam lei a tlaitu zung pawl nih phone call in an chonh hna tikah pingpalo pipi in an leh hna.

Holh lettu a fel mi an i tawn hna ahcun holh lettu hna nih,cutin a si khah,kha ti a si khah tiin an chim piak hna,hi lio ah holh lettu chungin Officer hlah maw ka si tiah airuat mi pawl an i tawn sual le an holh a let tu i an si sual ahcun nawisen an hnuuk hna ti hi tam ngai kan theih cang.

HIkong ah siaherh ngai in van tenh chih ka duh mi cu,UN zung lei nih phone in maw bia an hal tik hna ah,Delhi hi zeiin dah na rat tiah an hal hna tik ah,Aizawl in Somo-Motor in zankhat le nikhat Gauhati tiang kan ra i,Gauhati in Delhi cu zankhat le nikhat,Tlanglong a rang mi in kan ra tiah ti ding a si.

Asullam cu,ralzaam a sawk ding mi nih a tu lio kan ram dirhmun he zeibantuk ID hmanh an ngei lo.Myanmar ID in Delhi ah vanlong in kal khawh a si fawn lo i,cucaah vanlong in kan ra ti bak lo ding khi a si.

Cun,inn nan hlannak Adress-leihsa zong ttha tein chinchiah i zuam i,phone no siseh,mah le khua le min le nu le pa min le chungkhar min tiang kha ttha tein i chinchiah dih kha,ralzaam kan hal vettung ahcun a herh mi a si.Siaherhnak he.