Pasaltha Pakhat Cu SAC Ralhrang Nih An Tleih Laawng Si Lo In A Nunnak Tiang An Lak Micu Poi Tuk

SAC ralhrang misual rual hna nih cun CDF Pasaltha pakhat cu, SAC ralhrang nih an tlaih i an vuak an hrem hnu ah a kut le kee an tan piak dih hnu ah a nun bu in mei in an khangh ii a thi, tiah CDF-Mindat in Salai Naing Tam ni a langhter.

Tutan kan raldohnak ah a nunnak a pemi CDF-Mindat in pasaltha pakhat cu SAC ralhrang ni an tlaih hnu ah a kut le ke an tan ii a nun bu in mei in an khangh thahmi CDF-Mindat kan nau le caah teirual chamnak kan tuah hrimhrim lai. CDF-Mindat in information Department lei a kan tlaihpiak tu hna zong nih tutan a nunnak a pemi le a nung buin mei khangh a tongmi CDF kan pasaltha 2 hna hi cazin ah tha tein kan khumhpiak hna uh, tiah kan nawlpat fawn hna, tiah Salai Naing Tam nih a langh ter.

Relchap, Pako ramṭhen, Minhlah le Oakphu  pengchung ah SAC ralkap kuttang um palik 1, pyusawthi 6 le inn zakhat uktu 1 ti in, an dihlak minung 8 cu kahthah an si, tiah Pako ramṭhen tualchung hriamtlai phu nih an thanh. Pako ramṭhen Tayawady pengkomh Minhlah peng Sanboat khua ah tit-taw thing a firtu hna sin ah phaisa a haltu gate hngaktu palik 1 le pyusawthi 5 cu nizan May 10 ah, Tayawady pengkomh battalion no. 3801, tat-khuai 1 le battalion no. 3802, tat-khuai 3 nih an kah hna caah an thi, tiah theih a si.

Cun, Tayawady pengkomh Oakphu  peng Wai khuakomh ah SAC ralkap rian a cohlangtu khuabawi si mi pyusawthi hruaitu Khin Maung Tan le Tawatai khua inn zakhat uktu Aung Myo Zaw cu Pako ramṭhen tualchung hriamtlai phu battalion no.3803, tat-khuai 4 nih nihin May 11, zaanlei suimilam 6:00 ah an kah hna i, kah ah tonnak hmun ah an thi colh, tiah theih a si.

Chin ramkulh, Matupi khuachung Sanbawng sang ah um mi Mang Lian cu nihin May 11, zinglei ah a umnak innchung ihnak cung ah a ruak in hmuh a si, tiah sangchung um mi hna nih an chim.

A Nunnak a liam mi Mang Lian cu Matupi khuachung Sanbawng sang ah a umlio mi, Matupi peng, Vankai khua mi a si tiah theih a si. Kum 40 hrawng mi, nupi ngei lo mi a si, tiah theih a si.

Mang Lian thihnak kong he pehtlai in palik sin theihternak tuah mi a um rih lo, atutiang ah chekhlatnak tuah zong a um rih lo, tiah sangchung um mi pakhat nih cun a chim.