Pastor Pa Nih Online (Zoom) In Pumh Hi Bible He Aakalh Ati

Kum 82 asi cang mi John F. MacArthur cu pastor minthang ngai asi i theologian (Pathian leikong) thiamsang zonga si. Cun vawleipi huap in online ah thawngtha achim nak le cawnpiak  nak angeih nak‘Grace to You‘ timi hruai tu zong si. Asinan online in pumnak tuah ti mihi cu a duh lo lawlaw.

Online i thawngtha phuang thla hi cu poi a tilo nain pumhnak caah hman (online worship) ngeih cu rem ah aruah lo. John F. MacArthur nih cun “Zoom (online) hi biakinn a si lo. TV zoh sawhsawh men khi a si, Bible chungah zumtu pawl tong pum in Pathian thangṭha, Pakhat le pakhat duhdawt nak in riantuan tti uh a timi he cun aa thlak lo.

New Testament chungah zumtu pawl cu hmunkhat te ah an i pum i, Pathian an thangṭha, thla an cam tti hna. Bawipa zanriah an hmang ti hna, pumh khawmh timi cu hmunkhat ah ton khawm hi a si. Hmunkhat i kan i tawn khawmnak hi biakinn a si” a ti.

Covid-19 raitha lo nih US ramchung a rak den cuammah lio ah khan cozah nih hohman i ton rak khap i arak siang lo cu caah online in ah an kal i online pumhnak zong an tuah. Hi lio caan zong ahkhan pastor John F. MacArthur le Sun Valley pawl cu biakinn an rak khar hlei lo ruangah cozah he thlakhat renglo an buai.

2 Chanrelnak 14:15 Balsam thingkung cungah kalthawng na theihtik ah na thawk te lai tiah Bawipa nih ati. David nih a mah lawng raltuk arak ngamh lo i aitim lo. A phaw ah ai ruah zungzal mi Bawipa a rawn khawm hmasa. Bawipa zeitik in dah ka thawk lai tiah a hal. Pathian nih Balsam thingkung cung i kal thawng na theih tik ah na thok te lai tiah a leh.

Balsam thingkung cung i a kal mi cu amah Pathian asi. David cu a mah lawng kal a ngamh lo caah Bawipa a rawn khawm hmasa i Bawipa nih a kalpi. Cun a kal thawng a theih tik ah David nih rak tuk a thok ve i teinak a hmu.

Kan nih zong Pathian kal thawng theih khawhnak caah a mah sawm peng a hau. Toidornak he sawm ahau. Mah duh mi poh tuah pah buin Pathian kan sin ah a kal kho lo. Rachael nih milem ai ken caah an sin ah Pathian a kal kho ve lo i buainak in an lam caan an rak hmang. An milem an hlonh hnu lawngah an lam an tluang.

Israel nih Ai khua an tuk tik ah an mah chungah mifir le Pathian ralchanh in a nung mi an rak um caah mitlawm te asi mi nih an rak dawi len hna i zeimawzet zong an rak thah hna. Sinain i thenhnak an tuah  i cu hnu ah Bawipa an sin ah a kal ve i teinak an hmu kho.

Nun i thlah dah bu le dawhcah loin nun buin Bawipa kal thawng theih khawh asi lo. Bawipa he kal ti lawngah teinak hmuh tuan khawh asi. Cucaah Bawipa kan sin a kal khawh ve nak hnga Zuu nak inn Bawipa sawm deuh sih, dinfel lonak kha hrial in Bawipa sawm u sih. Mah pengtlang menmen i tanhnak thin lung hlaw in Bawipa tanh usih.

Mah pumpak sipuazi le miaknak men ruahnak thinlung hlaw in Bawipa ithim deuh usih. Cu hnu ah Balsam thingkung cung ah Bawipa kal thawngkan theih ve ko lai. Mah cu lam lawnglawng cu kan ralteinak ding lam cu asi. Kan taksa le thlarau caah Bawipa lawng kan teinak asi. Bawipa nangmah kan in sawm ko, kan ummi ko sawh.Ralhrang phu hna nih Kayinni hmunhma biakinn 7 cu hriamngan le hriamhme he an kah tiah PKRF- Information Center nih thawngthanhnak a tuah. Phekhung biakinn, Kayan Taya(ကယန်းသာယာ) biakinn, Demawhsu Sing Joseph(မောဆိုစိန်ဂျိုစက်) biakinn, Demawhsu Baptist biakinn, Pharusu(ဖရူဆို) biakinn, meng 6 biakinn hna cu ralhrang phu hna nih hriamngan in an kah caah cu Biakinn hna cu an rawk tiah theih a si.

Phekhung biakinn cu ralhrang phu hna nih May thla 23 le October 9 ah ralhrang phu nih an rak kah tiah theih a si. Kayan Taya (ကယန်းသာယာ) biakinn cu ralhrang phu nih hriamngan he May thla 24 ah an rak kah caah, biakinn chungah aa dormi mipi minung 4 cu, cuka hmun ah an nunnak a liam colh tiah PKRF- Information Center nih an thawngzamhnak ah an langhter. Ralhrang phu hna nih thla fatin ngawt in khrihfa biakin hnacu hriamngan he an kah, an hrawh.Meng 6 biakinn zong September 7 ni le October 15 nih ah ralhrang phu hna nih hriamngan le hriamhme he an kah tiah PKRF- Information Center i cathanh chuahmi ah an langhter chih. Khit Thit Media

Be the first to comment

Leave a Reply

Your email address will not be published.


*