Pastor Van Biak Thawng Zei Tin Dah Si Lai? A Tu Tiang A Thong Theih A Si Ti Lo.Thlacam In Bawm Hna U sih.

Pastor Van Biak Thawng hi Ralkap nih an tlaih i,faktuk in an hrem lengah a thih le nun theih a si lo i, a umnak zawng theih khawh sitilo. An tlaih lio ah hin amah long silo i, mino pathum zawng ani tel ve .A si nain a tutiang ah an umnak zawng theih khawh silo caah an chungkhat le unau hna an khuaruah hartuk ko cang,

An tlaih hlanah hin Biaknak lei rianttuan tu, Khuami khuanu khuapa hna nih kan tlaih piak hram hna hlah uh tiah Kawl ralkap cu an va nawl hna nain an tlaih thimthiam ko hna. A si nain ni(3) hnu ah kan rak thlah te hna lai an ti nain nihin tiang an thlah hlei hna lo ti asi.

Chungkhar lei nih an chim ning ahcun “Nihin zing ah khan Police pawl kan inn ah an rak ra, Swam David a thilri an rak chiah, an angki le bawngpi cu thisen in a khat dih, a si nain a mah cu an rak thlah fawn lo” ti asi. An bawngpi le an angki lawng Police nih inn ah an rak chiah, cu ahcun thisen in a khat dih, an si nain an mah minung an rak thlah chih hna lo caah an chungkhar lei an thin phang tuk ko cang.

Faktuk in an hrem hna timi cu a fiang cang i an thih le nun kong tiang ah lungre thei a si ko cang.Police lei zawng nih zeihmanh an chim duh lo caah, zeihmanh chimhkhawh asi tilo. Cu caah Khua nu le khuapa hna,akan daw mi hna nih zeitin tal nakan tuah piak kho lai maw tiin,an khuaruah harnak bia cu an chim ve cang. Thlacam in bawm cio hna u sih.

Hi ca hi na hawile sin ah a rannak in kan share piak ve ko tiah kan nin nawl ko.

Be the first to comment

Leave a Reply

Your email address will not be published.


*