Pastor,Evangelist,Le Saya,Sayamah Sin Ah Theih Ter Nak.

A Hmasa bik ah, Ka palh si le ka ngaithiam u: Tutan lam zawh i duh lonak langhternak ah Pathian rianṭuantu kan pale tampi an i tel ve timi kan theih pah lengmang i keimah pumpak in upatnak kan pek hna. Hi kong a chimtu bik hi keimah ka si men lai caah Pastor te thangchiatnak si hngin loin, si kho seh ti i bochan tuk bia a si ko timi nan ka theihpiaknak lai zaangfah kan nawl ko hna.

Hei sikho sehlaw tiin ka ruahmi pakhat ka chim rih ko lai. Ka palh si le ka ngaithiam ko u. A mah te hna nih ka ti ruam hlah u ti zong kan nawl ko hna. Rangoon ah a ummi Khrihfabu kip Pastor vialte le Khrihfabu leng i a ummi Pathian rianṭuantu Evangelist vialte, Baibal sianginn i Baibal cachimhtu saya te viate le siangngakchia vialte, ngakṭah a zohkenhtu Pastor vialte khi a tlawm bik minung 1000 cu an si ko lai dah.

Hi zat minung vialte minung khi hmunkhat ah voikhat tal hi catar a phunphun i put ve hna sehlaw, Tuluk tanzung(embassy), US tanzung le UN zungah bia va chim ve hna sehlaw, minung thinlung ah zeitimaw in hmual a ngei ngai ve ko hnga tiin ka ruah. Cun, palek nih mipi lam an kham lio hna khi Pastor te nih hmaisuang in bia va ruah kho ve hna sehlaw, hmual a ngei chinchin hnga ti zong ka ruat ngai tawn.

Hi bantuk in ka chim mi hi, Pastor te a cawnpiakmi le ruahnak a pemi hna ka lo ngaite. Pastor te ka cawnpiak hna a si hrimhrim lo. Ruahnak ka pek bia hna zong a si hrimhrim lo. Keimah ka hmuhning te kha a si ko i, bochan tuk bia le limhang ngeihter bia deuh a si ko tiin ka ruahpiak sawh ko u.

Credit: Perhkalh

Be the first to comment

Leave a Reply

Your email address will not be published.