Pathian Nih Gen-Min Aung Hlaing Le A Hawi Le Pawl Sin Ah Hrem Nak A Tuah Cang Lai.

Min Aung Hlaing cu Ramkomh tuanbia ah sualphawt asi cang tiah Dr. Salai Lian Hmung Sakhong nih a chim .Zauk phung ningin thim i ser mi cozah sin in thahrum uknak a la tu Commender in Chief Senior General Min Aung Hlaing cu Ramkomh tuanbia ah sualphawt asi cang tiah Dr. Salai Lian Hmung Sakhong nih February 22, 2021 ah a chim. Dr. Salai Lian Hmung Sakhong cu CNF Vice Chairman-II asi.

Cun Cozah le Tlangcung Hriamtlai Bu pawl remdaihnak kong ton biaruahnak ah ṭuavo pek i ser asi mi Union Peace Dialogue Joint Committee-UPDJC Vice Chairman zong asi.President U Thein Sein cozah chan le NLD cozah chan i Rampumpi huap kah daihnak he pehtlai mi ton biaruahnak zong ah dongcat lo in aa tel mi asi. An thisen le an nunnak a liammi a lak a si hrimhrim lai lo. Ralkap nih uknak an lak ni in nihin tiangah ralkap le palik kut in a thimi hi pa 5 hrawng an si cang.

A thimi hna thisen le nunnak hi a lak a si hrimhrim lai lo. Din lonak in chuahmi an thisen nih dinnak in biaceih piak an sinak lai vawlei mipi vialte le Pathian sinah bawmh an hal cuahmah lio a si ve. Din lonak in lakmi an nunnak thisen cu dai tein a um ve lo.An thisen nih vawlei in Pathian le Kawlram minung vialte le vawlei cung minung vialte nih bawmh ding in an kan auh ve. Atu hi vawlei cung ram tampi le Kawlram mipi vialte nih kan I zuam cuahmah liomi democracy uknak cu Pathian nih a kan theihpiak cang I Myint Aung Hlaing le a hawile pawl cungah dantatnak fakpi a tuah ve hrimhrim lai.

Din lonak in chuahmi thisen nih vawlei in Pathian cu bawmhnak a hei halnak kong kan Bible chungah fiang tein kan hmuh. Genesis cauk chungah Kain le Abel tuanbia ah fiang tein kan hmuh khawh.Genesis 4:8-12 chungah, “Cun Kain nih a nau Abel kha a thawh i, ‘I chawk tuah u sih,’ a ti. Lo an va phak tikah khan Kain nih a nau cu a thah. Bawipa nih Kain cu, ‘Na nau Abel tah, khuazei ah dah a um?’ tiah a hal. Kain nih cun, ‘Ka hngal lo.

Ka nau cawngtu maw ka si awk a si?’ tiah a leh. Cun Bawipa nih cun, ‘Zeicahdah hi thil ṭhalo hi na tuah? Ngai hmanh! Nangmah nih na chuahmi na nau thisen nih khan vawlei in a ka auh lengmang ko. Nangmah cu chiatserh na si cang i hi hmun hin ṭhawl na si lai. Hi hmun vawlei hi na nau thisen na chuahmi dolh awkah a kaa a rak angmi kha a si.

Be the first to comment

Leave a Reply

Your email address will not be published.