PDF Kalay Nih Ralhrang  Cu An Non Cuahmah Cang Hna

April 27 2022 ah khan Kalay pawngkam hrawng ah kahdoh nak fak ngai in achuak, Kalay myone thlanglei hrawng ah PDF Kalay nih hmunhma zohfel ding in an luh lio ah kahdoh nak hi fak ngai in achuak i hi kahdoh lio ah hin ralhrang le ralhrang le ttang pyusawhte pawl hna cu an thi mi an um.

PDF kalay nih an ruak an char hna i minung  7 ruak an hmuh cun MA meithal pakaht le meithal kuan rawn nak pa 8 le le meithal kuan 500 le bomb pakhat, cun 60mm bomb pahnih le phone 3, cun ralhrang nih biak chawnh akan hman mi seh pa hnih an lak piak khawh hna tiah theih asi.

Cun ralhrang hna cu nihin April 28, 2022 zing lei ah khan Kalay myone thlang le ah hriam cu pehtlaih in  an kah pah I an kal, cun Aung tha ya khua lei ah an kal i hriam ngan pehtlai in an kah pah an kal tiah, cu ka lei ah cun raltuk dingin an luh cuahmah tiah theih asi.

KNU bridage 5 hmunhma ah umhmun a khuar mi hmai suang sakhan pakhat cu KNLA nih nihin April 28 ah zing ah an doh i an lak tiah thawng theih a si. Cu sakhan cu 2000 kum lio ah khan lak an timh ko nain an hlawh a rak tling kho lo o a tu ah an hun lak khawh than, sinain KNLA lei zong an sung mi a tam pi ve, tiah Karen thawngzamh nih an kanghter.

Sakhan lak kahdohnak ah hin KNLA lei in ralkap 1 a nunnak liam i pakhat hliam a tuar ti thawng theih a si i a biafiang a si le si lo hngalh a si rih lo. Thailand Myanmar ramri Than Lwin tiva kam ah a ummi SAC ralkap hmai suang sakhan a si mi Ti Mu Thah le Taw Lay That cu 2021 March le April thla ah an lak khawh i nihin 2022 April 28 zing ah Kyauk Hngek sakhan an lak.

Hi sakhan hna hi a bia pi tuk mi an si tiah theih a si. Kyauk Hngek sakhan lak a si hnu in SAC lei nih May Nu Tha khua vanlawng in bomb an thlak co ve i a rawk mi zat fiang in theih khawh a si rih lo. Myaing Peng Sein Kone Khua SAC Ralkap Nih An Khangh, Kahdohnak Zong A Fak

Magwe ramtthen Myaing peng Sein Kone khua mipi inn SAC ralkap nih nihin April 28 zing Sml 11 hrawng ah khangh i satil inn zong an khangh chih dih tiah tualchung mi nih Yangon Khit Thit ah an chim. Tualchung mi nih  Satil inn zong an khangh, tii tohnak hrawl zong ngan lo in an hrawh dih, Ralkap hi 70 fai an si, tiah an chim.

SAC ralkap hna cu PDF pawl nih an kah hna i kaphnih kar kahdohnak a fak, hriamngan zong an hman tiah theih a si. Khuami an zaam dih caah mei ch a mit cang ko nain a rawt mi zat fing in theih khawh a si rih lo.