PDF Le KNDF Nih Ralhrang Tam Taktak An Thah Hna

Shan, Kaya ramri, Loikaw myone, Kungta khua pawngah SAC ralhrangbu hna cu Karanni ralkap hna nih lampi in an rak kah hna caah chun nazi 12 in zanlei nazi 5 tiang i kahnak a chuak i, SAC ralhrang 30 an thih pinah 30 hrawng nih hliam an tuar i, Phekhung PDF-4 leh KNDF ralkap 1 hna nih an nunnak a liam tiah tiah KNDF nih cathanh an chuah.

Cu i kahdohnak ahhin SAC ralhrangbu hna cu Karenni aa fonhmi phu nih lamkham in an kah hna caah hriamnam khat thup in a phormi SAC ralhrang motor pakhat cu an hrawh piak khawh caah SAC ralhrang nih atu tiang hriamnam ngan in an kan kah tiah cathanh chuahmi ahcun an langhterlanghter.

Cupinah Phekhung myone, Mube ah a ummi SAC ralhrang tatyin 422 pawngah Khaung-Maing taung leh Mube Te taung i SAC ralhrang sakhan cu Phekhung PDF le KNDF nih an kah hna i, ralhrangbu hna cu hnu lei ah kir in an zaam tiah KNDF nih cathanh an chuah.

Ni hin kahdohnak in a thimi Phekhung myone mipi runvengtu ralkap 4 leh KNDF ralkap 1 hna cu mipi zalonnak caah nunnak petu pasaltha an sinak cu upatnak kan pek hna pinah tuanbia ah roling an si tiah KNDF nih an langhter tiah Khin Thit Media nih a tial.
Ref. KTM

Be the first to comment

Leave a Reply

Your email address will not be published.


*