PDF nih CDM luh a duh lo mi paoh paoh cu kan i thianh dih cang hna lai tiah cathanh an chuah

PDF nih CDM luh a duh lo mi paoh paoh cu kan i thianh dih cang hna lai tiah cathanh an chuah
================

Mongyua(မုံရွာ) khua ah PK pakhat an kahthah i ralhrang kuttang ah zung a kai rihmi Non CDM paoh kan in tianh dih hna lai tiah Mongyua mipi ralkap phu nih an thanh. September 22 zingka ah Mongyua khua Pyituangsuh lampi le Khuahel lam ai tonnak ah PK pakhat cu a ho ti hngalh lo mi pakhat nih meithal in a kahthah tiah theih a si.

September 22 zingka ah Mongyua khua Pyituangsuh lampi le Khuahel lam ai tonnak ah PK pakhat cu a ho ti hngalh lo mi pakhat nih meithal in a kahthah tiah theih a si. Mongyua PDF nihcun hi PK pa hi kanmah thahmi asi i Sipin,Kahngiahnah, Lahwahkah le Ngunkhuai zung telh in ralhrang he pawlkom in zung a kai rihmi hna Non-CDM paoh cu kan in thianh dih hna lai tiah catthanh an chuah.

NUG cu ralhrang nih a hlan chan ah an tuah mi sualnak le an tuah lio mi sualnak hna caah tuanvo la in aa tluk te in thil a can khawhnak ding caah thazaang chuah in riantuan,kilven ding in tuanvo ngei mi (Responsibility to Protect) he pehtlai in Vuanci reng kumtin meeting “Runven ding ah le tuahsernak hna runven ding thloh ding ah nu hna le nu ngakchia hna kong ” tlangtar in 2021 September 20 ni ah tuah mi meeting ah a chim i a nawl hna.

Meeting ah UN Myanmar palai U Kyaw Moe Tun cu a kai i bia a chim mi cu a tanglei bantuk hi an i tel.
(1)Faktuk in sualnak an tuah mi thahnawnnak,Ral phungbuar,mibu piin harnak pek,miphun cungah hleihluat tuk in sualnak hna chung in mipi hna cu kilven ding in ramdang hna nih tuanvo ngeih nak kong
(2)Runven ding in tuanvo ngeih ding le Nu hna, daihnak,himnak kong timhtuahnak cu a tlamtlin khawh nak ding ah nu le pa sinak lei le Pa/ Nu phungning asi mi sualnak hna caah a luancia caan i sualnak lawng si lo in,tu kan ton cuahmah mi sualnak hna caah tuanvo lak ding le phungning tein ceih a herh nak kong

(3)UN nih cinken ning ahcun Myanmar ram ah nupa sinak lei i hremnak cu Myanmar ralhrang ral lam i an ziaza langhnak a si nak kong, raldohnak he pehtlai in nupa sinak lei i tlerhnak hna i Myanmar ralhrang hna i raltuk timhnak pakhat a si nak kong
(4)Democracy mipi hruaitu hna cu an tlaih hna i 2021 February 1 ah phungning lo in ralhrang nih hramhram uknak lak hnu in harnak chungah Myanmar nu hna cu ralhrang uknak duh lo nak langternak hmun ah hmai ah an chuah nak kong

(5)Myanmar ram kong cu UN nih fel tein zohpiak in a biapi bik ah ruahpiak kan herh, tu lio kan ram phungning tangah kahdohnak a um mi hmunkip ah security la in anmah lila nih tlaihhrem nak le a dang horduh cuainak lei tlerhnak hna cu an ral lamkip in an hman caah Nu hna a bik in tlangcung um Nu hna le sex lei tlerh khonhnak caah a phu tawk in i dirkamhnak lam a um le um lo nak kong
(6)Faktuk in hremnak thahnawnnak hna ah mipi hna cu kilven ding in rian nan ngei tinak ramkip nih nawlpek can he buaktlak in kan i tinhmi a tlamtling khaw lai tiah ruahchannak ngeihnak kong,

(7)Ralhrang nih an tuah mi sualnak hna cu dantat an in nak ding le a sualtuk mi thiltuah nak cu ngol ter ding in ramkip le UN nih kan bawm ko u tiah a nawl hna nak kong
(8)Myanmar ram chungah a ummi tlaihhremnak kong tel in a dang sualnak hna kham ding le sualnak ngei mi hna cu dantat ding in ramkip nih cohlang in thapek nak kan herh tuk nak kong a chim mi hna cu an si. Crd; The Chin Post

Be the first to comment

Leave a Reply

Your email address will not be published.


*