PDF Nih Mipi Hna Cu, Pakhat Hnukhat Tiin Fung In An Tuk Lio Hna Video

PDF Nih Mipi Hna Cu, Pakhat Hnukhat Tiin Fung In An Tuk Lio Hna Video

PDF nih mipi hna cu, pakhat hnukhat tiin fung in an tuk lio hna video a hun chuak. Mah hi Sagain ramtthen Shwebo peng Ngatin Kyi timi khuate ah a cangmi a si.

Mah fungtuknak a ruang cu Ralhrang nih Inn an khangh mi khuaah, hmundang um hna nih Innkaang bang thilri chia pawl cawk ding le kawlhawl in a rami an si caah security kong he pehtlai in mah fungtuk kan tuah nak si” tiah pdf lei nih an chimmi sive.

Mizei maw cu,( an zapi silo) ralhrang kan do ti aa thei lo an um len ve,khuachung lal nak le puarhran nak ah an hman len, anmah khua mi lila nih ralhrang nak in ttih deuhmi an um ve len.
Sualnak pakhat thuh le huhphenh si cun, sualnak dang nih a zulh colh tawn. Cucu a tu ralhrang hna sin in hmuh khawhmi a si.A liamcia kum tampi khan, ralhrang nih thilsual a tuah tikah an bawi sinah an va report tikah,an bawipa nihcun,sualtuah lo hna kha a hun chuahpi hna i,na report mi muihmai zoh law na kutdong in hun sawh tuah a ti tikah sualnak cu furpi tilianh in a lian chin lengmang ruangah hihi kan si deu.

Matupi-Mindat Lam Thluan Ah Tlunkal Lo Ding In CDF – Mindat Nih Ralrinpeknak A Thanh Nihin July 19 thawk in Mindat-Matupi lam ah tlunkal lo ding le nawl a zul lo mi cu dan kan tat hna pin ah khawn den nak a chuah hmanh ah tuanvo kan in la hna lai lo tiah CDF-Mindat nih ca thanh a chuah. SAC ralhrang motor 100 leng cu July 17 ah Pakhuku in an rak i thawh i, Chinram lei kai an i timh caah a tu bantuk cathanh an chuah mi a si.
Pakhuku in a rak i thawh mi SAC motor thluan cu July 18 ah Kyaukhtu an phan i, cu hnu cun Mindat lei ah an kai tiah CDF – Mindat page nih a langhter. Tlunkal an khap mi Mindat le Matupi lam thluan cu meng 100 hrawng aa hlat mi a si i Council ralhraang le CDF – Mindat kar kahdoh nak a chuah tawnak lampi a si.

Falam-Hakha kar ah SAC Ralhrang 60 Hrawng an Thi tiah CNF nih Cathanh Chuah July 8-16 karlak ah Hakha-Falam lamthluanpi cung ah kahdohnak a tlawm bik voi 8 a chuak i SAC ralhrang 60 an thi, tiah CNF nih cathanh an chuah. July 7 zong ah Matupi peng chung ah kahdohnak a chuak i SAC ralhrang 7 hrawng an thi.
Matupi peng kahdohnak ah CNA, CDF-Matupi le CDF-Zotung an i bawm, tiah an laghter. Hakha-Falam karlak ah miphun ralkap lei in minung 2 an nunnak a liam i, SAC ralhrang nih Taal, Tlangzar le Chuncung ah inn 50 an duah, tiah cathanh ah an langhter.

Doepalaya Pengkomh Chung Kahdohnak Ruangah Tualchung Mi 72 Nunnak A Liam Cang KNU hmunram Doepalaya pengkomh brigade 6 hmunram chung ah uknak laak hnu in SAC ralkap nih tualchung mi 72 nunnak an laak cang, tiah KPSN nih July 18 ah cathanh an chuah. SAC ralkap nih a luancia December 2021 thawk in brigade 6 hmunram chung ah faak ngai in kahdohnak an tuah, tiah KNU in ṭuanvo ngeitu hna nih an chim.

A luancia December 3 in Doepalaya pengkomh brigade 6 hmunram cu SAC ralkap nih vanlei in voi 160 tiang an kah i kahdohnak voi 200 leng a chuak, tiah KNU in chimphuannak nawlngeitu Padoe Saw Tawni nih a chim.
A luancia kum December thlachung ahkhan brigade 6 hmunram ah faak ngai in kahdohnak a chuak i, SAC ralkap nih hriamngan tam tuk an hman lengah vanlei kahdohnak zong an tuah caah khuachung inn rawk mi an tam i, sualnak ngei lo minung nunnak liammi zong an tam, tiah a chim. Cu kahdohnak ruangah cun inn, sianginn le biaknak lei inn tampi an rawk i, tualchung mi 86,000 leng cu Thailand-Myanmar ramri hmunkip ah ralzaam dirhmun an phan, tiah KPSN nih an thanhmi ah cun an langhter.

KNU cu a luancia 2015 lio ah cozah he kahdoh ngolnak NCA min an rak thu nain, 2021 ah SAC ralkap nih hramhram in uknak an lak hnu ah SAC ralkap he voi 5000 leng an i kap, tiah KNU nih an langhter. Sagaing In Monywa Lei Ah A Kalmi SAC Ralkap Motor Run Bomb Puahnak Ah Ralkap 7 An Thi!: Sagaing in Monywa lei ah a kalmi SAC ralkap motor run cu July 19 chunhnu ah Moe Ngyo(မိုးညို) hriamtlai phu nih bomb puahhnawh in an doh hna caah SAC ralkap 7 an thi i, hliamhma tuar zong an um, tiah MNRF nih cathanh an chuah.
Nihin chunhnu suimilam 3:00 hrawng ah SAC ralkap motor 11 cu Myinmu peng Nape Kyu Zayat (နပဲကြူးဇရပ်) le Kan Phia Zayat(ကန်ဖျားဇရပ်) khua karlak ah tualchung hriamtlai phu nih bomb an puahhnawh hna, tiah theih a si. Cu kahdohnak ah cun Moe Nyo Revolution Force M.N.R.F, PENTAGRAM Nga Taungh Kyae(ငါးထောင့်ကြယ်), People’s Guerillas Commando – Myinmu phufonh nih an kah hna. Tualchung hriamtlai phufonh lei hliamhma tuar um loin hnu an tolh kho, tiah theih a si.