PDF Pasaltha Hna Nih Cun, Mipi Sin Ah, Ralrin Taktak, Dingin Cathanh An Chuah Mikong Lam Cu,

SAC ralhrang ralkap nih ramchung remdaihnak langhter duh in a ra laimi ti toih puai cu hluanghlai taktakin tuah a timh,Tamu pengkomh, Tamu khuapi zongah ti toihnak le hlasaknak hmun hnih bak an tuah i, nuam taktakin ti toih puai hmang dingin timhtuahnak an ngei.

Cucaah Tamu PDF Battalion 1 nih SAC ralhrang timhtuahmi cu a tlamtlin nakhnga lo, ti toih puai caan chungah biatak tein kahdohnak kan tuah lai caah mipi nih ti toihnak hmunah,

kal lo ding, KTV tibantuk zongah kal lo ding, Private Club tibantuk zongah kal in nuamnak hmang lo ding, minung tamnak hmunah kal lo dingin ralrin peknak cathanh an chuah.

Relchak thawng dang Falam Khuachung Ah Lentecelhnak Zuamnak A Umlai, A Huammi Poah Nih Cu Zuamnak Ah I Telkhawh A Si lai,A ra laimi April, 11-20 tiang Falam khuachung ah lentecelhnak zuamnak a um lai,Cu zuamnak ah telve a duhmi hna nih 9.4.2022 a hnubik chia in min cazin pek a si lai.

Zuamding mi phun hna cu Vallyball nu pa, Tennis, Table Tennis, Badminton, Golf, kum-18 tang pakhat hlasak zuamnak nu/pa, Fusal hna an si lai.

Cu lentecelhnak zuamnak cu Caholh le Nunphung” phu hruainak in tuahtimh a si i, cu zuamnak ah telve ding in min cazin pek a duhmi hna nih NRC number pek a haulai tiah theih a si.

Relnuam biatawi,Remhhlei run-inn sernak,Semkhat le maw, semmawng rual he,Tlimno rawn le phailaizawl tiangKan len kha mu, nuam thlaimai in,Phai len rih lang, tluangthuk in e,Sifah harsat, docawi thlaipat zawn.

Khomkha le maw, anhnah buti he,Sunghno chuanrawl dumți caan khaThlamzuun an cuang, merem lo inSakhnem ruun-inn doi, Sahrang lu tlunh caan le,Khuachuah hauhnar, zaido awih he,

Than thlah caan ah kan lawmh kha mu,Mitthlam an cuang, ka ngai ruangmang,Pilnim thlawh le leileh bunh caan,Phulhrawh caan ah, khukțhi rual he,Thathunh sawm in ramțuan caan kha,Ka von ngai ruangmang, tluangthuk in.

Zeitik caan tal, nehbung khirh in,Hmuhton caanrem um khom hnga maw,Maw Nuncan sifah, nguntial kawl hi Cunghlum khuazing, za ka chan in,Ka hruai sawh law, semnak khua ah,Ka ngai hringhran, kan khua te kha.