PDF Training Dihnak  An Tuah Lio Ah Ralhraang Nih Raltuknak Helicopter 5 In An Kah

Sagaing ramthen, Yinmapin peng, Shinphung khua February 26 ah PDF training dihnak an tuah lio ah ralhraang nih Helicopter 5 in an rak kah hna tiah thawng kan theih. Council ralhraang nih MI 35p raltuknak helicopter in an kah hna ca ah Shinpung khua inn cheukhat a rawk, khuami hna cu himnak hmun panh in an zaam tiah tualchung thawnghram in kan theih. PDF le khuami a thi le hliamtuar cu kan hngal kho rih lo.

Shwebo peng, Gwaykone khua ah tualchung PDF nih Pyo Saw Htee pahnih an thah hna, Gwaykone khua lei ah hmainor in a ra mi Council ralhraang Bomb puah an tong i 35 nak tlawm lo an thih lai zumh a si Magwe ramthen, Shwebo peng Nichuah lei Geaykone khua i Council ralhraang kut tang riantuan khuabawi pa le Pyo Saw Htee pakhat cu tualchung PDF nih kan thah hna i meithal zuunhnih kan lak tiah ရွှေဘိုယမ်းဘီလူး phu nih an thanh.

Gwaykone khua ah ralhraang nih riankhinh mi Khuabawi U Tun Tun Oo le Pyo Saw Htee U Myint Tann hna cu ရွှေဘိုယမ်းဘီလူး phu, Shwebo Defence Force, Ghost Rider, Bermese Dragon Force phu komh nih an fimhlawm hna i carbine meithal 1 le Shortgun meithal 1 kan lak. February 25, zing suimilaam 11:00 hrawng ah Gwaykone khua lei hmainawr in a ra mi council ralhraang hna le Pyo Saw Htee hna cu Nattaung Naga PDF, Ghost Rider STF (Mdy) phu komh nih bomb 9 in an puah hna i ralhraang 35 nak tlawm lo an thih lai zumh a si. Motor pakhat a kaang dih tiah Nattaung Naga phu sin in kan theih.

Nizaan ah tualchung PDF nih Pyo Saw Htee pawl kan fimhlawm (Kah) hna. Cu ruang ah a taang mi Pyo Saw Htee pawl nih Ralhraang pawl hi an auh hna tiah kan ruah, tiah Nattaung Naga phu nih Yangon Khit Thit Media ah an chim.

Bomb kan puah hna hnu ah ralhraang pawl nih Hriamnam ngan le hriamnam hme he an kan kah i hnu kan kir lio ah kanmah lei in Mar Yar cu ralhraang he an i ton caah a nunnak a liam tiah Nattaung Naga phu nih thawng an thanh. Ref: Khit Thit Media

 

Be the first to comment

Leave a Reply

Your email address will not be published.