Pha kanh ah thil cang mi thawng cu theih tik ah ngeih chia taktak bak khi  

Thawng chia a poikho taktak c pha kanh ah sui ngun chaw va a kawl mi hna cu ruah lo piin lei vawr nih Vawlei Vawr hlan lian i lei vawr an rak Chiahmi nih khen ruah lo piin A Miin Than Caah Lungvar Kawltu hna cu minung 50 Tluk cu hmuhkhawh an si loh

Pha Kanh ah Febuary 28 zaan sml 9:30 hrawngah vawlei vawr an chiahmi cu a miin ciim ruangah lungvar kawltu hna mi nung 50 tluk cu an hmuh khawh nak ding in an um lo minung 50tluk cu an  tlau tiah khuami nih an chim.

Atu ahcun khuami le lungvar kawltu hna nih zatlang bawmnak petu hna he kawlhawlnak an tuah lio tiah theih a si i pakhat hmenh atu tiangah cun an hmukho rih hna lo tiah khuachung um mi pakhat nih cun a chim .

Thawng pang dang  relphapMaggui ramthen Saw peng chung Sue Lue Chin khua le Chin ramkulh Kanpalet peng chung Ma Sa Tui khua karlak ah CDF-Kanpalet le SAC ralhrang ralkap karlak ah Febuary 28 zinglei sml 8:30 in zanlei sml 4:00 tiang fak taktakin an i kap tiah theih a si.

SAC ralhrang ralkap leikap ah a tlawmbik 10 hrawng an thih pinah tam taktak nih hliam an tuar.SAC ralhrang ralkap nih a thimi an hawile ruak cu lamkam thlam pakhat ah an khawmhsuat hna hnuah a thlam he mei an khangh chih.

Cupinah lamkam ah a ummi thinghnah tibantuk hna zong mei an khangh viar.CDF-Kanpalet i pyauh kyar kahdohnak a tongtu SAC ralhrang ralkap motor rual cu cuka Sui Lue Chin khua le Ma Sa Tui khua karlak ah zaan an riak rih men lai tiah ruah damh an si.

CDF-Kanpalet le anmah bawmtu Laung Syi PDF leikap ah hliam tuartu umloin an i zukphiak kho tiah theih a si.Pehzulh in kahdohnak hi a chuah kho rih caah nulepa hna nih thawngthanhnak kan tuahmi paoh cu rak kan zulhpiak hram u, tiah an langhter tiin Zalen nih a tial.

 

 

Be the first to comment

Leave a Reply

Your email address will not be published.