Poi Kho Tak Tak Si.Ralkap Hna Nih Mipi Hriamnam Ser Nak Cu An Luh Hhawh Hna I,Tam Tuk An Tlaih Hna.

Kawl ralkap cawlcangh ning le umtu ning hi nikhat hnu nikhat achiachin lengmang kocang. Mipi caah thin a phang chin. Lung hi adai kho hrimhrim tilo zeitluk indah myanmar ram chung aummi mipi hna an temh tuar lai mu. May 12 ah ralhrang hna nih mipi caah ral khamtu Gz pawl cu an luhhnawh hna caah an hriamnam 400 bak an lak piak kohna.

Hi an lakmi hriamnam hi kut bak in sermi meithal pawl an si.Ralhrang hna nih kan ram an buaite ning mino mifim, fimnak a cawnglio hna nih an zohsawh khawhlo caah atu bantuk phu an i sernak hi asi. Kahdoh ve dingin an I timh tuah caah anmah le sikhawh tawk tein hriamnam zong an i ser ve nak hi asi.

Hi an tlaihmi hriamnam hi Chawng Oo ah asi tiah theih asi.Asinain an ngeihchunh hriamnam cu ralhrang hna nih an chuh dih hoi tthan hna. Hi bantuk thil acan nak aruang zong cu Dalan i rawitu hna ruangah asi tiah theih asi. Apoi kho taktak khi si. An tuahser nak hi an mah cungah atlung zau hrimhrim telai. Hitluk mipi kan temhtuar le kana ihram an theih ko bu dalan ttuannak thinlung an ngeih rih zong cu minung thluak a ngeilo mi ko khi an lo.Ref:ST

Relchap: Hakha khuachung hmun cheukhat ah rallokap nih Bomb an hmanh: Hakha khuachung hmuncheukhat ah rallokap nih bomb an hmanh tiah theih asi. An hmanhnak cu Hakha University, Hakha khuachung Bank hna le Hakha khua luh/chuahnak lam hna ah a si tiah theih asi.

Hi kong he pehtlaih CDF-Hakha nih May 11 ah mipi sinah theihternak le ralrin peknak cathanh zong a chuah cang.Ralhrang khawngsil cu mipi chungin a chuakmi CDF-Hakha kahdohnak kha an chei lo caah mipi he aa pehtlaimi Hakha University, Bank le Hakha khua luh/chuahnak lam hna ah thihnak tiang a chuahter khotu ke-lamh bomb an hmanh tiah mipi leiah a dirmi pakhat sinin thawng kan theih. Ralhrang nih an hmanhmi bomb ruangah mipi nunnak tihnung a si caah ramlak ah chuah rih hlah u.

Cun hi bantuk ruangah khonden le thihloh ton a um sual ahcun ralhrang hna thil tuahmi a si ti kha theihternak kan in tuah cia hna.
Ralhrang hna nih Hakha Thar, Hakha Myo Thit le Hakha khuachung hmun cheukhat ah zantlai hnuah inn boah piak, phungning loin tlaihkhih, tukvuak le thih tiangin hremnak an tuahmi kan hmuh tikah kan lung a tha lo tuk. May 9, 2021 ah ralhrang hna tukvuaknak ruangah lo rian a tuanmi Hakha Dawrthar ah a ummi Pu Tler Ling (kum 60) cu May 11, 2021 ah a thi.

Hi bantukin tlaihmi hna luan tuk in hremnak, tlerhkhonhnak le thahnawnnak kongah a dikning tein ralhrang nih an tawlrel ding a si.
CDF-Hakha nih cathanh kan chuahmi 1/2021 ningin tlaihmi an chuah hna lo pin ah ralhrang nih an tuahmi thil thalo, minung lungthin keng loin ruru hranghrang in an umnak, nuhrin covo buarnak hna kha nifatin an tuah lengmang caah ralhrang hna le anmah he a dirmi leirawitu/ngiathlaitu hna cu kan in hmuh hna nak hmun poah ah kan in kah cang hna lai tiah fak piin ralrin kan in pek hna.

Credit : Than Lwin Khet

Be the first to comment

Leave a Reply

Your email address will not be published.


*