President Win Myint A Rian Dinh Ter Nak Kong Ah Upadi Ning In Si Lai Tiin Lt.Gen-Zaw Min Tun Nih A Chim.

Biahalnak: 2008 Phunghrampi upadi pohma 71 ning in President, asiloah, Vice President pakhatkhat kha a ruang pakhatkhat ruangah sualphawt a si ahcun hluttaw pakhatkhat chungin palai a tlawmbik cheuli cheukhat nih minsen an thuh in an chuahpi i, a tlawmbik cheuthum cheukhat nih an cohlan lawngah pehzulh in dantatnak tuah ding ti si. Cu pinah hi pohma 71, pohmakhue (kah-gyi) (ngah) (sah-lung) ning in biahalnak (kherhhlainak) tuah an si lai.

Cun khatlei in tlaih a tongmi lei zong in i chim khawhnak nawl a ngei lai. Cun hluttaw palai cheuthum cheuhnih nih an cohlan/hnatlak lawngah a rian in dinhter khawh a si lai. Atu lawlawse President U Win Myint a rian in nan dinhter mi hi phunghrampi he aa ralkalh tiah mizapi nih an soisel. Hi kong ahhin ralkap lei nih zeitindah fianternak nan tuah khawh?

Lehnak: Phunghrampi upadi kong he pehtlaih in kan zoh tikah, keimah nih atu le atu ka chim tawn. Phunghrampi upadi kan zoh ahcun a zapite in kan cuanh dih a hau. Atu na chimmi pohma 71 kong he pehtlaih in na chimmi kha a hman. Keimah nih hi kong he pehtlaih na relmi a si caah a hman lo kan ti kho lo. A hman ko. Nain keimah ka chim lai.

Phunghrampi kan zoh tikah pohma 71 kha sualphawt dantatnak kong a si. Hi kong ah amah he aa pehtlaihmi, mah hlan ah langhtermi upadi zong an um rih ti chim ka duh. Tahchunhnak ah keimah zong phunghrampi cauk ka zoh lawngah ka theih ve lai. Cauk ka zoh lai i ka chim lai. Phunghrampi upadi pohma 417 kong ka chim lai.

Rampumpi nawlngeihnak kha dohkalhnak in hramhram in lak a timhmi, asiloah, lak aa zuammi an um an um ruangah kan ram a tluk ding le ram mipi lungrualnak ithenthek ding, le nawlngeihnak sungh ding emergency dirhmun a phan ahcun, asiloah, cu bantuk sungh khawhnak lam a um a si ahcun” timi phunghrampi kha a pakhatnak chim ka duh.

Phunghrampi upadi Chapter 1 ah aa telmi pohma 40 (ka-nge) ah kan rampumpi nawlngeihnak kha dohkalhnak in hramhram lak aa timhmi an um ahcun, asiloah, lak aa zuammi an um ruangah rampi nawlngeinak sungh ding dirhmun, asiloah, ram mipi lungrualnak rawk ding dirhmun ah a um ahcun ralkap bawizik cu phunghrampi ning in nawlngeihnak a la kho timi a um.

Cucaah keimah nih ka chim duhmi cu a tu tuanvo kan lak chunmi hi emergency dirhmun a si caah kan kalpimi a si. Phunghrampi chungah aa telmi upadi dihlak a tawifiannak in kan zoh ahcun Upadi pomh 1, (ka-nge), 48 ah a ummi phunghram hrammpi a simi kha tha tein kan zoh ti hna ahcun kan fiang dih ko lai ti chim ka duh.

Hi kong he pehtlaih in keimah nih chim ka duhmi cu, Ralkap nih rampumpi tuanvo a lak hnu in nihin tiang ah cathanh kan chuahmi zong a um. A chim in kan chimmi zong a um. Cathanh kan chuahmi le kan chimmi pawl cu upadi he aa tlak maw tlak lo timi nan zoh kho ti chim ka duh” tiah a chim hi asi. Note: Biahaltu hi RFA thawnglatu a si i a lehtu hi ralkap in chimhnaknawlngeitu Bohmuchoh Zaw Min Tun a si.

Ref: RFA Burmese.

Be the first to comment

Leave a Reply

Your email address will not be published.


*