Pu Mang Cin Thihnak Kongah Cathanh An Cuah

Hakha Khuathar sang ah chungkhar he aum liomi, pu Mang Cin cu November 10 zanlei sml.5:30 hrawng ah CDF Hakha minin amah inn teah meithal  kah nak in thah atong, hi thah nak hi biahram fek aum lo mi le lunngrumhnak men ruangah kutthlaknak in achuak mi asi.

Amah hi Payan rianthiammi, contractor rian atuan mi Halkha chuahtaak loin khua ahngak I, chiatton ni ah zaanghlei cawi in thlan siam ton tu le ahngak chiat tein Pa can ah adir mi chungkhat zohkhenhtu bik asi. Anupi le Fa (5) Kum 17, kum 16, Kum 11, le kum 1.6(faphir), anu le achuahpi anau le (6) akal taak hna.Hi cathanh hi mipakhat cungah fahnak pek le mualphoh duh ruangah asi lo. Tha tein hlatthlainak tuah asi hnu ah voi 3 tiang CDF Hakha sinah capek nak , upa hna thlahin ton biaruahnak ngeih dingin hal lengmang asi nain zei relpiak lo asi. Hi dothlen nak hi amui chiat ter zong duh mi asi lo asi nain chungkhar hna nih kan ton bantuk in midang zongin an ton ve lo nak ding  caah statement ahung chuahnak hi asi.

1 Pu Mang Cin hi Dalan(ral sin thawngpetu) asi timi lungrumhnak an ngeih caah a nunnak an laaknak hi asi. Aho sin ah sah thawng apek, zei thawng dah apek, amah ruangah aho tal an tlaih mi an um bak maw?  Afek mi tette le adirhkamh ngam mi tah an um maw? Amah ruangah CDF cawlcanghnak arawk bal maw? Laimi harsat nak atong mi an um maw? That awktlak in sualnak atuah mi aum maw? Ti biahal nak belte lainawngtu hna nih biahram fak chim khawh mi an ngei lo, ruahdamhnak lungrumhnak le mi nih an ti ko to le aanaating hlan I arak si mi chirchanh lawngin tuanvo ngei tu hna nih bialehnak an tuah khawh.Hi thihnak kong hi CDF khuathar nih an theihpi mi asi lo. CDF hakha council zongah bia an ceih ballp, an hruaitu upa tampi nih an theihpi mi zong asi lo. November 6 ah Dalan kong tuanvo ngei tu nih Laimi chungah Dalan ttuan kho ding an um lo tiah achim hnu ni 4 nak ah November ni 10 ah acang mi zong asi. Cu caah CDF Hakha tuanvo ngei tu minung pakhat hnih biakhiahnak tha tein tuaktannak um lo le lungfim lo bu khuakhan nak in achuak mi askho tiah zumh asi.

Lainawngtu hna chim mi cu Pu mangcin hi Dalan asi tiah fehternak fiang tuah khawh asi lo nain, asen list ah April thla ah aum tiah an ti. Cun kan cawlcangh nak aphuang tawntu tiah zumhmi asi. (May thla ah adirmi bu nih zeitikah asen list ah an rak umter zei atuah mi ruangah  ti mi an chim kho lo an fainter kho lo). Cun Hakha CDF achung riantuan nak kong hi pu Mang Cin nih atheih ding aum lo, aphuan mi bia set zong an chim kho lo. Lungrumh sawh nak men asi. Pu Mang Cin hi ralhrang he an I ko ti si. ( pu Manga Cin hi contractor atuan mi le golf atu tawn mi asi, golf atu mi ralbawi 2 hna le upa tampi he zong an I kom ko. Ahawi kom ralbawi 2 hna cu aanaating hlan 2020 kum ah khuadangah an tthial diam cang hna.

Cun an chim rih mi adang cu Ruangtlang ah alutchuak lengmang, Ralhrang nih an tlaih lio, sakhan ah midang hrem an ton lio zongah anih cu zeihmnah an tuah lo. Anupi CDM tuah lo lawng si lo in  an fale zong GTI rian ah an luhter hna. Mizapi zong akonglam kan hal tikah dalan asi ko tiah an kan leh. Cu batuk pawl ruangah cun Kaa in April thla ah ralrin pek bal asi. SAC nih khuathar khuabawi an thimmi zong amah asi kho. Tlaihmi hna zong kan hal tikah dalan asi ko tiah an kan leh.Asi Pu Mang Cin hi Rungtlang ah hin aruankong he pehtlai in 2019,2020 hlanah rungtlang ah arak um kalbal asi nain atu an puhnak he hin pehtlaih hna angei lo. 2021 hnu ah rungtlang ah akal bal ti lo. Cun  tlaihmi vialte hi hrem dih an si lo, amah lo midang zong hremlo mi an um ve ko. Hi tu ah cun hramhram in dalan puhduh ahcun  apuhti nawl asi ko.

Cun anupi hi CDM atuah tak lo nain zung cu akai ti lo, an fa le GTI riantuan mi an um lo, 2019, 2020 ahkhan an chungkhat hna Security le cleaning tuanding GIT ah rian an rak hal lioah arak bomh, arak zulh bal hna. April thla chungah mizei theihlo mi nih phone chawnh in anupi CDM tuahlo nak ruag le biachim holhrel iralrin dingin ralrin cu an rak pek bal ko. Cun khuathar ah SAC thimmi khuabawi asi lo attuan lo Puhnak men asi.Pu Mang Cin sual an phawtnak le thih ding tlak tiangin an pu nak tahfung hna hi, Hakha khuanu khuapa ah ruahmi tampi hi an luat kho ve hnga lo. Asi nain biahalnak sawh hmanh an tuah ngam hna lo, Pu Mang Cin ti cu bia hram ngeilo mi lungrumh puehdah nak men in awlzang ngain in an thah ko mi hi ngaktah santlailo asinak le an zohchukm an namneh ruangah le mi nunnak zei an rellonak alangnak asi. Cun hi thihnak kong ah Palhnak aum lo tiin CDF hakha tuanvo ngei tu bialehnak asi. atang ah hi bia peh mi relchih khawh si

 

 

 

Be the first to comment

Leave a Reply

Your email address will not be published.