Pu No Than Kap Nih A Hawi Kawm A Rak Si Cia Mi,Ralkap Ralhrang Hna He I Kawmh I, Chin Mino HnaThah Dih A Duh Nak Bia A Chim Cang.

Ming Aung Hlaing le a fale pawl nih uknak an lak hnu ah mipi nih duhlonak a phunphun in an langhter cio i nunnak zong tampi a liam cang.Asinain hilio ah hin ram ka daw a ti i CNLD party zong ah biatak tein a rak cawlcang vemi Pu.No Than Kap cu a hmurka pakhat hmanh theihawk a umlo caah mipi nih soisel taktak a si.

May 21 ah tuahmi Union Election Commission meeting zong ah No Than Kap cu a vai i tel ve fawn tik ah Chin mipi vialte kan khuaruah a har dih.Cupin ah meeting kailo dingin CNLD party nih hin a kham bak mi a si fawn tik ah , hruaitu pakhat a simi nih an mah party kham mi pahchih in meeting a va kai chih ko mi cu minung thinlungn zong a pu lo tiah ruahcio a si.amah umtu ning hrimhrim hi patling si lo i ,ram hruaitu tlak si lo tinak si ko.

Hi kong he pehtlai in CNLD Chairman Pu Ngai Sak nih cun “Tuchun ah Pu No Than Kap cu UEC meeting a kai ve tiahb kan theih.CNLD Party nih hi an meeting ah hi telpi bak lo dingin biakhiahnak kan ngei i amah No Than Kap zong kailo dingin kan chimh i cazong kan kuat fawn.Asinain a kai chih thiamthiam ko mi cu a mak ko .Zeiruang ah dah meeting hi a kain chihb thiamthiam ko timi zong theihfian dingin kan hlathlai cuahmah lio a si i fiangfai tein CNLD FB cahmai zong ah hikong hi kan rak langhter te lai”tiah a chim.

Hi konglam heb pehtlain in theihfian duh ah Pu No Than Kap cu phonen an call chih nain a phone a off peng caah chawnhbiak khawh a si rih lo.Ralkap ukhruainak in tuahmi election hrang hmalak danding ceihkhan nak meeting ah hin ram pumpi huap in party 59 an i tel tiah theih a si .

Be the first to comment

Leave a Reply

Your email address will not be published.


*