Pu No Than Kap Nih CNLD Hruai Tu Pawl Ca A Kuat Hna.

CNLD nih Kawl ralhrang kawh-auh mi le sawmmi UEC meeting ah a hohmanh nih tuanvo pek loin Pu No Than Kap cu meeting ah a kai ve tiah tuzan ah khan thawngpang theih a si.

Hi kong he pehtlai in Pu No Than Kap nih chim fianh nak a rak tuah mi ah March 30 ah khan CNLD in dinhnak ca ka rak theh lut cang, chungkhar harsat nak ruangah party ah a herh ningin ka cawlcangh khawh lo caah ka din cang tiin a rak tial mi cu mipi hmuh ding in a rak tarlangh.

Pu No Than Kap nih March 30 ah dinh nak ka rak tial a ti mi kong he pehtlai in CNLD nih cathanh an hun chuah mi ah cun “Pu No Than Kap nih dinhnak kong a rak tial mi cu Messenger in tuzan (May 21-05-2021) suimilam 9 :00pm (Myanmar Time) ah khan kan hmuh” tiin an rak langhter than ve.

Cun Pu No Than Kap kong he pehtlai in CNLD bohu meeting cu Emergency kan thu lai i cu hnu ah biachah nak kan tuah te lai tiin cathanh an chuah mi ah cun an langhter.

Credit : Zalen

Be the first to comment

Leave a Reply

Your email address will not be published.