Pu Thang Ning Kee Nih Bia A Chim Mi Cu A Tha Kho Taktak Relcio Uh

Pu Thang Ning Kee cu CNF/CNA ah vice chairman a ttuan lio mi a si.Than Ning Kee nih a tutan vaurawng dohthlennak a hin kawlram tuanbia ah a um bel lo mi thli pahnih an hung chuak tiah Vaurawng Thlizil he tonbiaruahnak ah a chim.

A pakhatnak cu: Kawlram chung ah kawl miphun hna nih ralkap uniform i hruk in SAC ralhrang an doh ti hi a um bel lo, hihi a voikhatnak a si. Cu caah lai miphun hna zong nih hi bantuk in anmah kawl le kawl an i doh lio ah hin fimkhur tein cawlcang uhsih law kan miphun kan luatnak ding ca zong a si kho tiah a chim.

A pahnihnak ah: Chin miphun cu kan holh khah lo ruang le miphun hmete kan tam caah kan mah karlak ah remnak a rak um kho tawn lo.Sihmanhsehlaw a tutan ah cun khuaruah har in kan miphun kan lung aa rual mi hmuh khawh a si. Lungrual tein kan ttangtti a si ah cun kan ral kan tei hrim lai tiah a chim.

Thawng dang. Chin ramkulh Hakha peng Chuncung le Falam peng Dokṭhek kar ah nihin May 3 zaanlei Sml 4:30 ah CDF-Hakha le SAC ralkap an i kap i, kahdohnak cu minutes 10 a rau, tiah kan theih.

CDF ralkap pakhat nih, “Ruah a sur caah SAC ralkap pawl cu hmunkhat ah an i dor i, culio ah cun kan kah hna i, 13 fai an thi,” tiah a chim.

SAC mawṭaw 20 le armor tank 2 cu May 2 zinglei ah Hakha in Falam lei ah ah an kal. Cu mawṭaw lak ah cun nu le CDF ralkap an tlaih mi minung 8 tel in, an hren mi minung 18 an phorh hna, tiah kan theih.

A luancia March 2 ah khan SAC ralkap nih Dokṭhek khua an rak luh hnawh i, inn 19 an khangh i inn 5 cu hriamngan in an hrawh. Crd: TCP

Relchap- Russia Nih Khuaingal Bu(Israel) Thin A Phawh Cang Hih! Kan theih cio cang bantuk in, Thlapi thla 2 chung Ruasia nih cun Ukraine cu a kut tang ah chiah a duh i, a thazaang tthawnnak le a ralkaap tthawnnak hmang in a tuk/doh cuahmah liopi a si i, hi i dohnak ruang ah hin kap hnih in an ralkap a thi mi an tam cang pin ah an hriamnaam zong a rawk mi a tam cang.

Hi i dohnak ruang ah hin Ukraine mipi tampi an thih pinah tampi nih hliam an tuar hna, hi lawnga si li, an innn le lo tiang in an hrawh piak mi hna a tam chin lengmang cang caah, vawleicung, Nitlak lei ram hna nih cun Ukraine cu an ttanpi thluahmah i, a hlei in US nih cun, na donghnak tiang kan in dirpi ko, a ti.

Hi ti an i dohnak ah hin, Rusia nih a duh ning in a tei kho ti lo i, a thin a hung chin lengmang, hi kong ah ai pehtlai hleng lo mi kong theih a si. Rusia ramleng uanci nih cun, Ukraine President cu Judah thisen/phun a si. Ralpi pahnihnak a chuahtertu, Hiter zong kha Judah phun a si, ti khin a chim .

Hi kong ah Israel cu a thin a hung taktak i, rusia nih hin ngeihthiam a kan hal lo ahcun tiah an ti cang.Hibantuk in Israel a thinhunnak hi Rusia nih ngeihthiam a kan hal lo ahcun a titik ah hin, Israel cu a tha umek in a cawlcawlh lai i, ralpi pathumnak hi aithawk ko ko lai lo maw ti hi phan mi a si chih.