Pu Zing Cung cu dohthlennak ah hruaitu a si bantuk in ka upat a mah hrim hrim upat tlak Minung a si.

Mandatory Credit: Photo by Hein Htet/EPA/Shutterstock (8627593e) Myanmar's Vice Senior General Soe Win (R) listens to Pu Zing Cung from the Chin National Front (CNF) during the Joint Implementation Coordination Meeting (JICM) in Naypyitaw, Myanmar, 24 April 2017. The second 21st-Century Panglong Peace Conference is a five-day conference planned to be held on 24 May 2017, where participants will submit their different discussion topics. Myanmar Government and Myanmar Army and ethinc armed group leaders meeting in Naypyitaw - 23 Apr 2017

Pathian khua khan hi.
=============
Nihin kan Miphun nih kan ton mi harnak le Ralkap nih Uk nak an lak than lai ti hi a liam cia kum 7 lio khan biatak tein ka rak chim cang. Pu. Zing Cung cu dohthlennak ah hruaitu a si bantuk in ka upat a mah hrim hrim upat tlak Minung a si.

Pu. Zing Cung cu Mino a ti lo upa a ti lo a ho sin paoh ah toidor tein bia a chim i upat tein a kan chawnh biak zungzal. Kum 2016 lio ah Camp ah Conference tuah ding ah biatak tein a ka sawm, a kal kho lo. Phone chung in biatak tein bia kan i ruah zungzal a herh mi paoh phone chung in kan i ruah tawn. Phone chung lawng cun a si kho lo ka ti i kum 2017 ah khan Pu. Zing Cung cu a Inn te ah ka va ton, kei mah lawng ka si i Suimilam 4 chung bia kan i ruah.
Ka thawh i Pu. Zing Cung Nihin kan dohthlennak nak le kan Ramkhel sining zoh tik ah hma a kal lo tuk, cun Ralkap lungput zoh tik ah Ralkap nih Uk nak a lak than hrim hrim lai ka rak ti.

NLD Cozah nih Ralkap zei te ah an rel hna lo, NLD Cozah nih tlangcung hriamtlai mi hna zei te ah an rel hna lo. Cu tik ah Ralkap zong nih NLD Cozah zei ah an rel lo nak hna hi fawi tein hmuh khawh a si. Cu ca ahcun Ralkap nih Uk nak an lak than hrim hrim lai, zei ti tal in kan nih Chin Miphun nih timh tuah nak kan neih khawh te hnga tiah bia ka va ruah. Zan a tlai pah cang caah kan riak ko law Tuzan cu a ka ti. Thaizing rian herh dang ka nei i kan riak kho hna lai lo. Thaizing ka rian herh ka tuan kho sual lai lo ka ti i bia kan i ruah dih in ka tin.

January 31,2021 zan ah a ka hriangtu ka pa he kan i chawn, an nih lei cun zantlai a si. Ka pa Ralkap nih Uk nak a lak than lai, tiah ka pa cu ka chimh. Ka pa nih a ka leh mi cu an lak than ko men lai, tiah a ka leh ve! Khua a dei hlan ah Ralkap nih Uk nak an lak taktak than. Hi vialte thil hi ka rak hmuh chung na in kei mah ka Inn chung Khar zong ka khamh kho hlei hna lo. Hi Ralkap nih Uk nak an lak ruang ah harnak le lung retheih nak a ing tu ah ka tel ve ko.

Pathian khua khan a si rua tiah ka ruah mi. 2020 thawk khan Camp ah Inn sak ding nu le Ngakchia an tuar tuk Camp ah an um nak Inn te te zoh tik ah ruah tlam te a sur zong ah an Inn a zut dih, thli tlawmte a hran zong ah an Inn a rawk dih. Cu caah nu le Ngakchia um nak Inn hi kan sak a hau tiah, Pu. Zing Cung nih a kan ti i Khua a ka ruah ter ngai ngai ve. Kei hi Vawlei cung khua zeihmenh ah Inn ka nei lo, ka nu le ka pa zong Inn chia te ah an um.

A si nain nun nak pek in le kan Miphun luatnak zalen nak ding caah riantuan tu hna an um nak Inn pakhat tal cu ka sak ve ding a si ka ti i Camp ah Inn ka sak piak ve hna. Inn khat ka sak dih in khua ka ruat than i Inn khat tal cun ka sak than lai ka ti.

Pu. Zing Cung phone ka chawnh i Camp ah Inn pakhat in ka sak than lai, kei mah zong Camp a phan mi ka si tik ah Ngakchia le nu um nak a si kho lo tiah ka chimh. A ka leh mi cu a tha tuk ko a si nain kan herh deuh mi kan tuah piak law kan duh ko a ka ti.

Camp ah milu kan karh deuh ve cang i Ti kan i za ti lo. Ti hi biapi ngai a si a ka ti. Aw a si tak Camp ka phan i Camp ka um chung ah Camp chung Ti in ka khawlh bal lo. Tio Tiva lawng te ah ti ka khawlh tawn. Ti lak hi kan herh taktak mi a si ko ka ti ve i, ka zuam lai ka ti.

Ti lak nak cu $7,000. $ 8,000 a dih ding a si caah hawi ka sawm hna. A tlamtling bantuk a tlamtling lo bantuk in 2020 Camp ah tonpumh nak an neih hlan ah kan lak piak hna. Cu cu Nihin ah Ngakchia le nu hna nih Inn zong an um nak lo. Ti zong Ngakchia le nu hna nih an hmang lo. Nun nak pek in Miphun dohthlennak ah a pum pe mi hna kan Mino hna nih an um nak i an hman. Cu cu rak tuah lo in um uh sih law, hi nak hin kan Mino hna le nun thap in riantuan tu hna hi an har deuh chin chin hnga.

Cu cah Pathian khua khan a si ko tiah Nihin ahcun ka chim ngam. Camp ah Inn sak nak si seh, Ti lak nak ah si seh ka sin ah lungtho tha nuam tein a rak pe mi vialte hna, a thar in upat nak kan pek hna i hi thil kan rak tuah mi hi Pathian khua khan a si ko tiah Nihin ahcun ka chim cang. Nan tuah ser nak hi Midang nih an in theih hna lo zong ah an thei tu hna kan um ko. Pathian nih nan tuan kawl nak tu ah thlachuah za in pe ko hna seh! Credit: Salai Ceu

Be the first to comment

Leave a Reply

Your email address will not be published.