R.I.P : Apoi Tuk Hringhran Ai E USA Ah Um Pu Biak Ceu Nih Mual A Kan Liam Tak

Nulepa ulenau hna,Indiana Chin Baptist Church chungtel a simi Pu Biak Ceu (kum 64) nih takpum damlonak in nihin (January 10, 2021) zanlei 2:30pm hrawng ah a sertu Pathian sin ah zungzal ca in a kan dinhtaak. A nupi Pi Men Tluai le fapa pathum a rohtaak hna. A chuahpi a ulenau hna cu Sayakyi Van Awi (tleicia), Rev. Hlawn Tial (tleicia), Sayama Karen Louis (USA), Sayama Hniang Nawn (Hakha), Rev. Lawm Bik (Japan), Pu Thawng To (tleicia), Pi Iang Khun (Hakha), le Lily (Hakha) hna an si. Ram le miphun ca ah nun thaap in CNF/A ah a rak lut i kum saupi ralbawi rian tiang a rak ttuanmi a si.

A luancia kum 2 hrawng in damlonak (thin le cuap cancer) nih a tlak i, siibawi te le chungkhar nih a tthabik in an conghhramh ko nain dam lei panh ti lo in a tu ah takpum in a kan tthen hi a si. Taantaakmi chungkhar le rualchan cingla ca ah thlacam rak kan bawm cio u. Ruak-thlah-nak ni le caan zeihmanh a fiang kho rih lo. A fian tik in thawng kan thanh tthan te lai.Zuunngaih Par cah a duhmi Rev. Hrang Cung Hnin (317-986-0760) sin ah thawngthanh khawh a si lai.Ngaihchiatpi buin,Pastor Lal Cung Awi.Credit: Indiana Chin Baptist Church

Kan hawidawt Pu Biak Ceu nih mual a kan liamtaak ruang ah Email le Facebook in siseh, Telephone in siseh chungkhar le khrihfabu kan ngaihchiatnak a kan hrawmpi tu le thla a kan campiaktu nan dihlak cung ah kan i lawmtuk. Pathian tu nih thluachuah in pe ko hna seh.Taanktaakmi chungkhar tthutpinak le a hnubik upat peknak le ruak thlahnak ni le caan cu a fiang cang i, a tanglei bantuk hin a si lai. Chungkhar tthutpinak (Zan):A Ni: January 12, 2021 (Tuesday) @ 6:00pm A Caan: 6:00pm A Hmun: ICBC Biakinn Funeral Service (Ruak Thlahnak Program) A Ni: January 13, 2021 (Wednesday) Body view: 9:30am – 10:00am Pumh caan: 10:00am – 12:00pm A Hmun: ICBC Biakinn Thlanhmun: Round Hills Cemetery NB: Zuungnaih Par cah a duhmi nih Rev. Hrang Cung Hnin (cell: 317-986-0760) sin ah cah khawh a si lai.

Be the first to comment

Leave a Reply

Your email address will not be published.


*