Rakrel Cio Ve Uh Khah Ralhrang Bawm Leng Mang Tu Pakhat Cu Ni Hin May 2 Ah Meithalin An Kah

Yangon Ah Leirawitu Pa Pakhat Cu YLF Nih Meithal An Kah Thah. Yangon ramṭhen, Insein peng Danginkone sang ah PDF 11 tlaih khawh nakding ah, SAC ralkap thawngpetu Leirawitu(Dalan) inn za-uk  Pyu Ko Ko  cu nihin May 1 ah meithal voi 19 in an kah thah, tiah theih a si.

May 1 zanlei sml 1:30 hrawng ah SAC ralkap thawngpetu Pyu Ko Ko cu Yangon Liberation Force(YLF) nih meithal in voi 19 an kah hnu ah a hmun ah a thi colh.

A luancia February 16 zaan sml 10:00 ah Danginkone SAC ralkap nih an luhhnawh hna lio ah thawng petu cu amah a rak si i PDF 11 an inn le lo zong chuh an tong. An thilri vialte zong an laak dih, tiah theih a si.

Danginkone sang um mi hna nih tangka tampi an pek hna lawng ah khual cazin cheknak kongkau a tuahpiak hna. Cu bantuk mizapi cung a thil tuah mi ruangah YLF nih kan thah nak hi a si, tiah cathanh an chuah.

Hmuhing thawngpang dang: Paucan Dohthlennak Ah Federal In Ukhruainak Phung Nan Hmang Cang Maw

Pithuh Okechukzi Timi Hi CDF Nih Uk Ti Asi Maw? Asilo Naisai? Ralkap nih Uknak le Ramkhel ah I thlak phung asilo. Cucu kan duh lo caah MAH le Ralhrang Rallokap kan doh hna hi asi. CNF / CNA nih tah an kan uk khawh ve maw? No No No. Federal phung in kan kal ahcun Uktu Khuabawi rian le Bawitlang rian cu Ralkap nih an tlaih hrimhrim lailo. Khuate le Ukhruainak ah CNA siseh, CDF siseh, I thlak nak nawl an ngeih lo, Federal phung nih a onh hna lo.

Khuami nih mipi hnatlaknak in an thimh mi Khuabawi le Bawitlang nih an Ukhruai lai, Bia an ceih lai, Upadi an ser lai. CDF siseh, CNA siseh, Biaceihnak le Upadi sernak ah I tlak ding hrim asilo. CDF / CNA upadi an suai mi zong Khuabawi, Bawitlang le Khuami a Ṭemṭawntu Upadi asi lailo, Khuami le mipi caah CDF nih Upadi suai a herh lo. Anmah Ralkap zulhphung le Ukhruai nak caa lawng ah CDF nih upadi ser in asuaisam lai. Khuami le mipi hremhnak le zulh awk caah Upadi suainak nawl cu CDF sin ah pelte hmanh a um lo. Hi kan langh ter mi hi Democracy phung zong asi.

Federal timi Za Uk pennak cu Democracy nakin a cungnung deuh mi asi ti khah CDF le Mipi hngalh cikcek a herh. Federal Democracy caah Dohthlen mi CDF nih Khuapi le mipi kha nan uk, bia nan ceih hna, Upadi nan suai piak hna I nan zulh ter hna, dan nan tat hna, thong nan thlak hna ahcun nan tlau cang ti kha hngalh cawlh ko uh, Chin mi zong nan kan tlaupi dih te lai.

Khuabawi ṭuan nan duh, Biaceihbawi si nan duh, Updai suai nan duh ahcun, CDF Ralkap sinak kha naa ngawl cikcek lai, naa phuak lai I Election ah naa zuam ve a herh. Ralbawi si buin le meithla tlaih buin Khuabawi, Biaceih bawi, Tazatuci, Upadi chuk ṭuan in Upadi suai khawh hrim hrim asilo.

Ralkap nih Khuami ukphung cu Ralhrang uknak lawng ah aum. Democracy le Federal ah Hmunhma a um lo. Khual si in tlun inn onh hmanh angah lomi asi. CDF Ralbawi, CDF Presidents, VPs, le Hruaitu hna cu Vuanci le Vuanzichuk nan lawh. Hihi nan tlaunak cu asi. Federal lungfian loin Federal ah akal mi na si. Piangthar loin Vanram kai aa timh mi bantuk na si. Na caah ngeihchia le lungrawk nan va si dah.

24 April 2021 ah NUG nih Pithuh Ukchukzi tuah nak nawl an kan pe mi cu, CDF nih uk ko uh tinak asilo. Ralhrang uknak a hram in phawih awk tu ah asi. Ralhrang uknak cu kung lawng samh loin, a hram in phoi cikcek in rili tawne ah hlawmh kha NUG nih a duhnak asi. CDF nih nan I thawh I Raldoh lio le MAH kan thluk hlan lo CDF nih kan in uk hna lai nan ti, Raldih hnu ah nanmah nih nan kan uk ve lai nan ti, Ralkap uknak pei a chan nan sau ter cu.

Ralhrang uknak pei nawnpek in ti nan toih kha nan hngalh rua lo. A little knowledge is Dangerous timi hmuhtheihnak bit tuk hi lohtlaunak asi tihi nanmah CDF kung atlung ve cang. Poi taktak khi asiko. LAMI kancem rori. Hriamnam le Meithal nan I tlaih mi hi Ralhrang Rallokap in mipi khumzual in chanchuah nak le cihmih nak tu ah siseh. Mihrut le ngakchia vainam pek mi nan lawh cang hi, I ralrin deuh uh.

NUG cu Federal in akal tir te asi caah anmah NUG nakin CHINMI cu Federal aa fiang tuk mi kan si cang. Pupa chan in Mah tein khuakhan lairel nak phung kha arak hmang diam cang mi CHIN MIPHUN kan si.  CHIN min sin tu ah NUG nih Federal hi an cawn awk tu asi deuh dakaw. Mirang chan ah uktu cu Ramukbawi an sin nain, Federal Phung an hmang.

NUG cu Federal phung hman awk ah Federal phunghrampi an ngeih lo, Federal Upadi, Federal Laws, Federal Acts an ngeih lo. Chin mi cu CHIN Acts  kan ngei. CHIN acts ah an khum rih lomi CHIN Pupa Upadi tampi angeih mi kan si. Federal Upadi kongkau ahcun Kawlram Miphun vialte nih Saya le Kapu tiah kawh tlak mi CHIN miphun kan si. Pithuh Ukchukzi ah CHIN Upadi hi hmang cawk lo kan ngei.

Athar suaisam le serh aherh lemlo. Khuapi hunchonak le alamkip ṭhanchonak caa tu ah Upadi ti siloin, By Laws asilo ah zulhphung, tlaihtleng, rules and regulation tbk kha I suai chap ding lawng aum. Chin Upadi cu Cozah kip nih an nung ter mi asi. Ahohmanh nih an thah ballo mi CHIN Acts asi. Mipi nih Khuabawi le Bawitlang lawng kha nan thimh hna lai.

Biaceih bawi zong anmah an si chih ko lai. CHIN cozah kan I ngeih tik belte ah Uktu, Upadi Suaitu le remhtu (Hlutdaw), Biaceih bawi pathum kha power le nawlngeihnak tlukruan tein adang tein kan chiah te lai. Khuate lei cu Khuabawi le Bawitlang nih Uknak le Biaceih bawi he tlaih chih ko hnaseh. CDF nih uknak le baiceihnak nawl pelte hmanh aum lo ti zong ngalh cang hna usih.

Rakhine ram cu AA le Ṭun Myat Naing nih an hruai hna I Uknak, Biaceihnak zung (2) lawng an hlawhtlin khawh. Kan nih Chin mi Cu upadi kan ngeih cang caah, Uknak le Biaceihnak he kan tuah khawh ahcun, AA le Rakhine kan tei hna lai. Vawleipi ah kan min athang fawn lai. Khuabawi zung cu nan ngeih cio cang caah, Biacieh zung lawng a thar onh ding tu asi hnga. Inndang  ahar ahcun, Khuabawi zung ah khan Signboard pakhat in tar chih ko uh. Biaceih bawipa zong cu a herh nan ti ahcun, adang pakhat in thimh chap khawh asi ko.

Biaceih bawi caah mi an har ahcun, Khuabawi pa le Bawitlang nih kemh chih ko hnaseh, Biahar deuh mi ceih a herh tikah, Phunglam le CHIn Upadi a hngalh mi khua upa tu I sawm te hnaseh. Pengtlang CDF nih ahuap mi hmunhma ah asican mi buaibai nak vialte cu Khuate Biaceih zung nih ceih ve cang hnaseh, CDF Tazalu tu ah nan dirh te lai.

Biaceih lo in mi hremh, thongthlak tbk hna hi Nuhrin covo, civil rights, mip ile khuami kan covo khan an buar I nan hrawk tu asi. Biaceih bawi nih CHIN Acts ning in siseh, CDF Rules le Law ning in siseh, bia an ceih hnu lawng ah dantat, a zizut le thongthlak siseh. Biaceih bawipa le Upadi loin mipi ahohmanh kha Biaceih in dantat nak le thongthlak nak nawl aum lo, Federal in kan kal ko nan ti ahcun, Phung dang le Ralhrang sining in nan kal ahcun theih ve hlah.

Rule Of Law aum khawh nak hnga, Mipi nih upadi an zulh khawh I dindaih nak he duhdim tein khuasa mi an si khawh nak hnga, Rule Of Law a zalen I, khuaram ah a khat khawh nak hnga, Homeguard asiloah Palik cu khuakip ah tuah ding asi. Palik CDMer an tam bik CHINRAM Kansi caah Kaya hlan ah Mip Palik atuah khawh diam cang mi kan si nain.

Pengtlang pakhat nih CDF 200 cio chiah ah zako. Hriamtling cawk piak ko hna usih, ho van hai lo tein.An pawcawm le an herhhai mi zalh piak zong afawizang deuh tuk lai. Mipi kan Retheih tuk lem lai lo. Thadam tein CDF 200 hi cu kan zohkhenh khawh ko hna lai. Adang vialte cu Palik ṭuan hna sehlaw, Rule Of law aum khawh nak hnga, Khua bawipa bawmh hnaseh, Khua bawipa uknak tang ah an umlai. CDF reserved ansi lai caah kan herh can ah raldohnak ah kan hmang ve hna lai.

Pithuh Ukchukzi hruainak in Ngamdamnak, Fimcawnnak zong tuah ah a ṭha. Democracy phung ah Fimcawnnak, Ngandamnak le Department dang dang hna cu Empowerment timi zalon tein tuahnak le cawlcangh  nak nawl pek an si lai. Federal ah cun Full authority pek ding asi.

An herh mi lawng khuabawi, Bawitlang le khuami (mipi) nih bawmh ding Supporting role le donor tu in khuabawi pa cu a um awk asi. Meithal tlaih mi CDF aathlak nak ding lam pelte hmanh aum lo. Ruahnak cheuh le bawmhchan tu belte CDF Ralbawi rual le Luban nih ṭuan khawh asi ve ko. CDF nih Nawlngeih in CDF kuttang ah Department chiah in chakhri merh kha asi khawh lo kan ti mi cu asi. Federal phung nih a onh lo mi asi.

CDF nih kapza in alamkip ah I teltum kan duh ahcun Khuapi le mipi cu buaibai le vuivai hram an thawk lai. CDF upa cung ah an lung adongh lai, ahnubik ah CDF ah an lung dong te lai. Dohthlennak zong lam tamṭim ah kan ngawlh aherh lai caah zawng parathlei tuanphung kha kan hluan lai.

NUG nih Pithuh Ukchukzi cu dirh awk ah, 24 April 2022 ah athanh I nawl pek kan si ko nain, CDF nih khua le ram uk kan duh tuk caah, Nihin tiang hlawh atlin khawh tilo. Cucaah CDF ni Ralkap le Humhimnak rian lawng ṭuan si  cangseh, Uknak le pennak, Biaceihnak dantatnak, Upadi suainak nawlvo vialte cu arannak in Khuabawi le Bawitlang sinah ap zawkzawk cang uh. Education, Healthcare le adangdang zong CDMers Mifimthiam hna kut ah 100% in ap cang uh. Credit -Zintincuai Cinzah.

Rel chap. Kum 2 timi Zuamcawhnak (Kawl zumh ning) Ne Win Lucky No. 9 a si i Than Shwe Lucky Number cu 11. Kawl ralkap nih a tlang piin a tu in kum 2 ah thimnak ka tuah lai a ti. Thimnak tuah khawhnak ding caah Electoral system thimnak phung zong remh a timtuah cuahmah. NUG zong nih Bond a zuar i kumhnih ca long in a zuar. Kumhnih ahcun atu lio dohnak hi kan tei lai an ti ti khawh a si.

A caan a thawk ka long a si rih. A tlai tuk ti a um bak lo hih unau. Atu nai te long ah an zuar caah. NUG nih a thawkka long a si tinak a si. Kawl zumh ning. Kawl miphun hi nika thlapa arfi (astrology) le number (numerology) a zum ngaimi miphun an si. Atu tiang an zumh rih. Kawl hruaitu poh nih hmailei kong a chimtu (soothsayers) hna le thil a cang khomi tiah ruahmi thin damternak kha bia an ruah an kawl ton hna. Myanmar ram zalonnak zong arfi nika thlapa zohthiam hna nih.

January 4, 1948, zingka suimilam 4 le minute 20 ah nan kan pek ah a tha lai an rak ti hna. A voikhatnak PM U Nu zong nih 1961 kum ah thetseh kawl biaknak pagoas 60000 a rak ser. Daihan a um khawhnak caah. Number pakua 9 zoh chih in a tu bantuk in pagodas tampi a rak saknak a si an ti. Ne Win zong astrologers le numerologiests hna kha 1962 uknak a lak hnu ah ruahnak a rak hal ton lengmang ve hna.

Cucaah 1970 kum ah kawlram kha fak piin thlennak a rak tuah. Kawlram hi kehlei ah a kal tuk. Orhlei ah kal a hau ti a rak si. 1987 kum ah myanmar kyat 45 le 90 zong a rak chuah. Lucky Number a rak ti. Atu tiang a thi kho rih lomi Than Shwe zong a u le nawl a rak cawn lengmang ve. Naypyitaw khuapi na ser a hau an rak ti. A rak ser. 2005 bak ah na ser a hau an ti ning in a rak ser.

Astrologers ruahnak pek ning tein a sermi a si. Ne Win Lucky number cu 9 a si i Than Shwe lucky Number cu 11 a si. Kan nih Zumtu Khrihfami kan caah cun ni vialte hi nisunglawi an si dih. Cu ni a thiang deuh, cu ni a thur eh, cu ni long ah ti bantuk cu Kawl zumhnak nih kan thluak a kan tawl pah cangmi sidawh kan si ko rua. Cu vial. General Aung San hi a thluak kal ning hrimhrim hi a rak i dang ko rua.

Tlangcung mi le kawlrawn mi minsak he aa lo lem lo. A ruang cu theih a si ve lo. Zeitindah a si? Amah a min Aungsan kha min hmai ah a sak a benh hmasa lehlam dih hna. Tahchunhnak – Aung San Oo, Aungsan Suu Kyi tbt . Midang thluak le min pek he i lo sehlaw Suu Kyi Aungsan ti a si hnga cu mu… hehe.

Tlangcung le Kawlran poh cu hringtu an pa le an min kha a hnu bik ah an chiah dih. Tahchunhnak Hringtu pa kha Khauh Khauh sisehlaw fanu siseh fapa siseh – min ah Ms Liang Liang Khauh Khauh ti phun in an i sak dih. Aung San hi a fa le min umtu ning zoh ah phundang pi bak a si hrimhrim ko. Crd:Thawng Za Pum.