Rakrel Hrimhrim Uh, SAC Ralhrang Chungtel Pakhat Cu, Nihin April Ni 13 Ah A Sual Man Cu.

Khuachung ah ngunkhuai a khawl i, mipi a tlerhkhawnh lengmangtu Taningtharyi peng, Ngaungpingone  khua ah um mi pyosawṭee hruaitu pakhat cu April 11 zaan Sml 7 hrawng ah min theih lo mi phu pakhat nih an kah i, a nunnak a liam tiah tualchung um pakhat nih cun a chim,

Thah a tong mi pa hi U The U The U  a si i, pyosawtee hruaitu a si, tiah tualchung mi pakhat nih a chim. U The U thah a ton hnu ah SAC ralkap cheukhat an ra i lampi ah aa choklet mi an chek hna. U The U a thattu hi a ho an si, theih a si rih lo.

U The U hi pyituhsit a luhnak kum 20 fai a si cang i, khua ah ngunkhuai khawl in, khua mi a tlerhkhawnh lengmangtu a si, tiah tualchung mi nih an chim.

Thawngdang April 6 zanlei sml 1:10 hrawng ah Yangon, South Okkalarpah peng Taantuhma lam ah a um mi, KBZ bank phaisa firnak ah aa tel mi chung in, minung 18 cu phaisa, hriamthil le rithaisii tlang pawl he April 8 ah tlaih an si, tiah SAC nih an thanh. KBZ bank branch luhhnawhtu hi pa 9 an si i, phaisa Ks. Sing 2170 tluk an rak laak.

South Okkalarpah palik sakhan nih u 167-2022, phungrelnak-395-323 in case an on i, bank luhhnawhtu hna cu biatak tein an hlathlai hna. Bank luhhnawhtu hna nih an hman mi YGN 7D-3400 TOYOTA PROBOX motor cu YGN CC-8336 No.

In an thlen tiah hmuh a si caah April 8 zing Sml 9:15 ah Sanchaung peng Buta sang, Hung no. 4 lam No. 147 ah a um mi Ar Ka Kyaw kum 41 he Orange store ah tlaih a si.

Bank a luhhnawhtu le anmah he aa pehtlai mi lak i minung 18 cu phaisa Ks. 1551,830,000,  kutcheh bomb lung 4, paistol zuun 1, kutser meithal zuun 2, glue gun zuun 1, kyin sat 2, point 22 kuanfang 49, 12 Bo kuan 5, Drone 2, 380 AUTO kuan 1, granate 3, zeen kep 10 le rithaisii pum 5 he tlaih an si.

SAC nih an thanh. Bank suamnak ah aa tel i, a zaam mi minung 5 cu tlaih ṭhan an si i, phung ning tein hma lak ding in an i zuam cuahmah, tiah theih a si.