Ralbawi Min Aung Hlaing Nih Meeting Vakai Nak Cun  Mipi Anlungthin Chungah Aumni Theih Piak Hi Abiapi Deuh Tiah Ati.

Vawlei cung ramkip I antuahmi meeting vakai le vatel len nak in Ramchung mipi hna nih an thinlung chung in achuak mi bia hi theih piak a biapi deuh tiah Rawlhrang bawi Min Aung Hlaing ni cun media pakhat nih bia an hal nak ah achim. Asia le Europe (ASEM) meeting ah Myanmar ram aiawh in Politic he zeihman pehtlaih nak angei lo mi minung tu meeting kanding ah Myanmar cu thawng theih ter asi.

ASEAN nih Myanmar ram chung hramhram in ralhrang nih nawl ngeih nak an lak ruangah ralhrang bawi Min Aung Hlaing cu meeting kai kho ti lo in an chuah hnu in a tu tan Meeting zong ah meeting kai kho hlei lo in an tuah nak hi asi.  Cun Myanmar ralbawi nih Cambodia sin ah Asia le Europe meeting cu kan kai lai lo tiah theih ternak ava tuah. ASEAN ah hin Brunei, Cambodia, Indonesia, Lose, Malaysia, Myanmar, Philippine, Singapore, Thai le Vietnam hna hi an I tel.Chin ramchung Zarhkhat Chungah Kahdoh Nak Voi 3 Achuak. Chin ram chungah hramhram in nawl ngeih nak ala tu ralhrang hna doh in acawlcang tu pasal tha hna le SAC hruaimi ralhrang hna cu zarhkhat chungah voi 3 an I kaap I ralhrang lei in minung 50 hrawng an thi i Yaw mipi kilveng tu  lei in minung pakhat nunnak aliam ve. November 19 khan an YDF(Saw&Kyaukhtu), CDF Mindat, CDF Kanpetlet, PDF Saw hna nih  Tawmah le CInlin khuapawng ah ralhrang pawl he hmai tonh in an kah hna.

Cun kahdoh nak hi nifatin in a um I November 23 ah khan YDF((Saw&Kyaukhtu) CDF Kanpetlet nih ralhrang hna cu an vakah than hna i sml 2 chunghrawng an I kaap hi tan kahdoh nak chung ah in ralhrang lei in minung 10 hrawng an thi I YDF(Saw&Kyaukhtu) lei in minung 2 nih fak lo in hliam an tuar ve tiah theih asi. Cun kahdoh nak cu aapeh than I November 25 ah khan Kyaukhtu vanlawng Bual in chuah aa tim mi ralhrang minung 59 cu YDF(Saw&Kyaukhtu) nih bomb an puahhnawh than rih hnatiah theih asi.

 

Be the first to comment

Leave a Reply

Your email address will not be published.