Ralbawi Telhin Ralhrang 6 Cu CDF Nih An Thah Hna

  Ralhrang minung thazaang 150 hrawng nih Kanpetlet an va fuh lio ah CDF Kanpetlet Phu dan aakom mi nih an rak kah hna. March 7, 2022 zinglei sml.7 in sml 9 tiang hrawng ah voi 3 tiang i kah nak achuak tiah Chim nak nawl ngei nihcun achim. I kahdoh nak cu adai cang kan ti ko nain zaanlei tiang ah khan ralhrang hna nih hriam ngan (miakp) in Mipi kilveng tu CDF pawl cu an kah peng rih hna.

Cun khuachungah zong ah an kah I hriamngan in alang in kan rak bawmh hna ti bantuk khin azei zei ti lo in an rak kah peng tiah achim rih. Atubantuk kadoh nak ah hin ralhrang lei in atlawm bik minung 6 an thi I mipi kilveng tu lei hi Pathian kilven nak thawng in aahliam mi um lo tein hnu ah kan kirkho tiah CDF Kanpetlet in bia chim tu sin in theih asi.Atu lio kahdoh nak ruangah hin Letmon-Khapan lampi, Letmon- Kyawthtaw lam, Anyakatin-Kanlawng lam, Saw-Kanpetlet lawm pawl hna cu hman hrim hrim lo dingin CDF Kanpetlet nih ralrin an pek hna. Kanpetlet peng ah hin Ralhrang hna le mipi kilveng tu ralkap karlak ah hin Feb 27,28 le March ni 4 ah khan an I kap hna i hi chung ah hin Ralhrang lei in minung 12 leng acu anthi tiah theih asi. Source The Hakha post

Thanphoe khua mi Ralhrang nih meithal in an kah: Sagaing ramṭhen, Kalaymyo peng Thanphoe khua ah SAC ralhrang nih Pu Biak Mawi, Kum 54 cu March 7 zingka sml 9:10 ah an kah thah, tiah theih a si. Pu Biak Mawi i a nupi cu zingka te ah lo rianṭuan ding in a kal lio ah Khuachung ah SAC ralhrang pawl cu an rak lut.

Pu Biak Mawi cu a nupi a sia herh caah a nupi sin i lo kal ai tim i a kal lio ah SAC ralhrang hna nih Pu Biak Mawi cu a paw ah an kah i, a hmun ah a nunnak liam colh. Lampi ah a ruak cu a ril ko, Zaanlei hnu ceo ah khua mi hna nih an hmuh, tiah theih a si. Pu Biak Mawi cu fa 4 ngei mi a si i March 8 ah a ruak an vui lai, tiah theih a si. Source; the chin post

Be the first to comment

Leave a Reply

Your email address will not be published.