Ralhrang Cohlan Nak An Tuah Nakah Bomb A Puak Athi Mi Le Hliam Tuar An Tam

Shan ram chung, Tachileik khua ah January 1 ah zinglei ahkhan hramhram nawlngeih nak laa tu ralhrang hna cohlan le cawnghlawmg nak tuah an I tim cuahmah lio ah bomb pehtlai in voi 2 apuak I hliam atuar mi le athi mi an um tiah theih asi.

Khuami pakaht nih cun ralhrang hna Uknak kan duh ko tiah cohlan nak le teinak kan hmuh ti in lawmnak tuah ding ah khuapi an vel lio ah bomb an puah hnawh hna hi asi. Bomb ouah nak ah hin athi mi zong an um I hliam tuar zong an um, cun tlawmpal chung cu kaaphnih karlak kahdoh nak zong achuak tiah achim.

Hi bantuk in bomb apuah hnu ah hin ralhrang hna le mipi kilveng tu hna cu an i kap I khuachung ah bomb zong apuak than rih, cu caah khuachung mi hna cu lungrethei in kan um dih caah apawng kam ah kan kal ngam loh tiah achim chap. Cu bomb nih ahliam mi hna cu an hma afah caah ralhrang hna nih Tacchileih siizung ah an rak rat pi hna i cun Chiantung siizung lei ah an thial hna tiah theih asi.

Atu bantuk in ralhrang hna cohlan nak atuah tu hna cu mizapi tel loin ralhrang ralkap hna an chungkhar le ralkap rian arak tuan ton tu ralkap hlun pawl an hruai hna I cu pawl nih cun an tuah pi hna. Cu khuate le minung zong hram hram in an kawh hna I an duh nalo in an tel pi hna tiah khuami nih cun an chim. Source: Irrawaddy time

Be the first to comment

Leave a Reply

Your email address will not be published.