Ralhrang Hna Le HAKHA HBC Pator Te Hna Cu Biaruah Nak An Nei Ti Hna

Kan Rian Ttuan Ning Aa Ruang Maw? Halkha ah Covid runvennak dingah Halkha hruaitu hna nih caansau nawn Covid rai in i khamvennak dingah center an rak hun (on) Pathian khuakhannak le Halkha hruaitu upa hna thawngin Halkha ah Covid rai a um ti lo caah aliamcia thla ahkhan Covid center cu an khar dih cang.

Mahti Halkha ah Covid rai adih hnuah Halkha umhmun khuar ralhrang le,ralhrang tawnlek Pu Ngun San Aung nih nizan tihni koko ah Covid in ikhamvennak dingah tiah meeting an tuahmi ah HBC Pastors hna an va kai ve i,bia an chim nak tiang kha ralhrang TV nih thanhnak atuah/a langhter.

Agape clinic he pehtlai in kan kai tiah Pastors te nih i chimphoih tim (phisin) hna hmanhsehlaw Agape clinic nih Covid kong atawlrel fawn lo.Covid zawmi tu cu Agape nih tha tein an thlopbul ko hna.

Hawikom hlun an rak si: Zeiruang ah dah Rev Dr LHL le anaule hna hi ralhrang meeting an va kai ti ahcun,Pu Ngun San Aung le Rev Dr LHL hi tutiang an ipehtlaih ning a fektuk,an Krihfabu hna mit tiang akem ngai an ti.

Cucaah Tu tan kan Rev Dr telh in kan pastors hna nih ralhrang sinah meeting kai in,Covid kongah kuttlai in rian kan ttuanti lai an timi ah hin,Halkha Krihfabu aiawh silo in Rev Dr le Pu Ngun San Aung pahnih hna i pehtlaihnak in hi thil a can hi zumh a um bik.

Nizan tihni an meeting kha ralhrang Tv nih thanh hlahsehlaw hohmanh nih kan thei kho hnga lo; ralhrang TV thanh lo mi itonnak hna hi voizeizat tiang dah a rak um cang hnga tikha,ruahhrup lo awk hrim atha ti lo. Tutan te lawng asi bel ahcun aa ning deuh ko hnga.

Pu NSA an Krihfabu member asi ruang ah HBC pastors te nih ralhrang meeting an va telpi lengmang rih hna asi ahcun ruah awk tampi a um khawh leng ah an khrihfabu zong minchiat an phorh khawh te mi asi.

Cattial tu tinhmi: A ho pumpak huat le remlo a si hngin lo, Covid umti lo kongah ralhrang sinah meeting va kai in bia va chim, fimcawnnak sianginn tiang hmanh pei khar a si hi, a dilna a satna in umto caan si lo. Thawng laknak: Halkha upa pathum sin in. Credit: Salai William HC