Ralhrang Motor Gangaw Ah Bomb Puahhnawh An Tong

Gangaw Myone ah ralhrang minung thazaang 100 hrawng nih raldoh dingin tuzing zinglei Sml. 11 hrawng ah an kal i Mintha khualu ah bomb in puah hna an ton caah minung 13 nak tlawml an thi tiah theih asi.

Ralhrang hna hi Gangaw myone cheukhat ah hin Nyehleh bantuk in an vak cuahmah cu ah cun pyosawhtee(mipi bantuk in aathuam mi I aum mi ralhrang lei ttang) hi an hman bik hna tiah theih asi.Ralhrang hna cu Mintha khua an luh lai ah bomb an puah hnawh hna hi asi tiah rinhtlak mi thawngpang pakhat nih The 74 Media sinah achim tiah an tial. Myit tha myit tiva kam I a um mi khua pawl hna cu ralhrang nih an va veh hna cun Mintha khua zong cu nihin zinglei sml.11 hrawng ah an va lut ve I an lut le cangka khualu an phak bak ah bomh nih hin apuah hna, hi zonah hin minung 13 nak tlawm lo cu an thi.

Bomb apuah hnu hin meithal minutes 20 hrawng cu hehtiah an puah, cu hnu ah ralhrang nih cun Gangaw myone chung ah hmunhma zohfel dingin ralhrang thazaang cu an chap hna, cu caah Myit tha Myit tiva pawng I aum mi khua 7 in minung thonghra leng nih an um nak hmuhma an chuahtak I ahim deuh tiah an ruahnak hmunah an zam dih tiah ralzam pakhat sin cun achim.Atu I Gangaw leiah ara mi ralhrang hna chungah hin Pyosawhtee zong an I tel, cun thahrum hmangin khuapawl hi hehtiah an check. Atu tiangah umnak le eidingah kan tlamtling tiah achim chap. Cu Gangaw myone Hnankhah khua ah hmunhma ala tu ralhrang hna le pyosawhtee hna nih nihin zinglei ahkhan khuachunng inn pawl mei in an khangh.

Magway ramthen, Gangaw myone Myit tha myit tiva pawng ah hin September thla chung khan Mipi kilveng tu ralkap hna le ralhrang hna karlak ah kahdohnak achuak cang. Source. The 74 Media

Be the first to comment

Leave a Reply

Your email address will not be published.