Ralhrang Nih An Tuah Ning Hi Vun Zoh Law Na Cerh Lai Lo E.

Myanmar ram ralhrang Min Aung Hliang a hruai mi pawl ralkap vialte le a tanh tu mah video te hi rak zoh ve law mi vial te hi nanu, nanupi, nafar, na u nu nafa bantuk dirhmun ah van si ter ve law tha tein rak zoh ve hmanh.

Ralhrang ralkap lawng hi minung lungthin a keng lo mi an si loh. An mah he bawm in rian a tuan tu vialte le anmah a tanh tu vialte zong hi minung lungthin a keng lo mi nan si dih. Hi minung pawl hi an minung hawi sin ah a um ding zong in an i tlak ti loh. An va um sual hmanh ah an nun bu in a thi mi min cazin ah chiah mi pawl an si.

Dalan rian a tuan tu si seh tuan ding ai tim mi pawl an si ah anmah lei tanh in riantuan ai tim mi vialte a can um lio te ah hin khua fak piin ruah nan hau.Kan tial cang mi tuanbia hi remh khawh than an si ti loh. A hman mi le a hman mi le dawtnak thinlung tak te he Myanmar ram mipi hi chanh i zuam ko hna uh sih.

A tang lei i ka rak langh ter mi video hi tha tein rak zoh uh. Mah video na zoh tik ah hin, an chim mi bia hi nangmah an hringtu nanu na chuahpi mi na far le nanupi dirhmun ah khan si ter law tha tein rak ngai hmanh zeitluk in dah kawl ralkap an sual ning hi na celh hrimhrim lai loh. Thinlung hi a fak tuk mu.

thawngdang : Mizoram ah COVID-19 in Chinmi 2 an Nunnak a Liam Than
———–
Mizoram ah Chinmi nu pahnih COVID-19 in an nunnak a liam tthan, tiah thawng kan theih. Nizan May 22 ah chun hnu sml. 2:50 ah Pi Tawk Tial (kum 63) cu Zoram Medical College ah COVID-19 zawtnak in a nunnak a liam. Pi Tawk Tial hi Myanmar ram lei in Mizoram ah pum zawtnak i tlop ding in a rami a si, tiah Mozoram thawngzamhnak pawl nih an langhter.

Mikhual a si hmanh ah Mizoram ah a nunnak a liammi a si caah Aizawl khua, Electric sang nih nihin ah a ruak ttha tein vuinak an tuahpiak. Pi Tawk Tial hi Lung zawtnak le khuhrin zawtnak a ngeimi zong a si, tiah DIPRMizoram nih a langhter. Cun, nihin May 23, zaanlei sml. 3:00 ah Myanmar ralzam Pi Tha Tin Kip (kum 49) cu Zoram Medical College ah COVID-19 zawtnak in a nunnak a liam ve.

Pi Tha Tin Kip hi Myanmar ah SAC ralhrang nih uknak an chuh hnu in Kalaymyo, Tahan in Mizoram ah a zaammi a si. COVID-19 zawtnak a ngeih pin ah a kal zong a ttha lo, tiah DIPRMizoram nih a langhter.

Naite zong ah Mizoram ah a zaammi Thantlang nu pakhat COVID-19 in a nunnak a rak liam cang. Mizoram ah COVID-19 zawtnak a karh chin thluahmah caah thaizing May 24 in May 30 tiang Total Lockdown tuah ding in thawng an thanh. The Chin Journal.

Be the first to comment

Leave a Reply

Your email address will not be published.


*