Ralhrang nih Chin World CEO. Salai Mang an tlaih i, page zong an hrawh…

Ralhrang nih Chin World CEO. Salai Mang an tlaih i, page zong an hrawh…
==================

Kan Chinland ah Thawngthanh tu a ngan bik a si mi Chin World Media Page a si i Chinland chung thawngpang hna cu a caan he a ruan tein a langhter tu le a chim tu Chin World Media in CEO a si mi Salai Mang cu September ni 22 zan Sml. 11:00 ah ralhrang nih an tlaih i Chin World Media page cu hrawh piak a si cang tiah NLD Acozah chan i Chin ramkulh Acozah phu in Cipal, mei le sehzung lei in Minister a si mi Salai Issac Khin nih a mah social media in theih ter nak a tuah.

Atulio dirhmun in Chin World Media i Online cahmai cu kan kawl zong hmu khoh a si ti lo. Chin World Media cu Chinram chung ah kahdohnak dirhmun le ralzam hna kong felfai tein a langh tertu ram chung Media pakhat a si. Ralhrang nih nawl ngeihnak a lak hnu ah thawnglatu tampi a tlaih hna i thong a thlak hna i a tu September tuan deuh ah Yangon hrambunh a si mi thanglatu pa 3 zong a rak tlaih hna. Crd; Burma Associated Press

Ralkap minung 8 nih an hriam he CDF sinah an i fonh tiah Hakha le Mindat phu hna nih an chim.Phaisa peng nan si lai, Nan humhimnak hmunah chiah nan si lai tiah sawmnak ruangah thlahnih chungah ralhrang phu lei in minung 8 cu CDF sinah an i fonh tiah Hakha le Mindat mipi vengtu CDF phu nih an chim.

Hakha CDF nih meithal le kuan a kenmi ralkap cu phaisa (ting-50),hriamngan le kuan ken ahcun phaisa (ting-100), mipi hna nih an ngeihmi department in motor ken a si ahcun (ting-50) pek nan si lai tiah September 16 ah thawngthanhnak an tuah.Cubantuk thiltuah mi kongah hlawhtlinnak a um tiah CDF-Hakha in biachimnak nawlngei tu nih a chim.

“An hriam thil he a fonhmi hna cu kan biakam bantuk in (ting-50) pek an si, an hriam he CDF-Hakha sin ah a fonhmi hi minung pathum an si cang” tiah a chim. Hakha peng in minung pahnih, peng dang in minung pakhat an si, zeidang kong ah fianghlang in chim awk a tha rih lo tiah a chim chap.Cun palik cheukhat cu CDM cawlcanghnak ah a tel mi tam deuh cu hriam lo he a fonhmi an si tiah a chim chap.

“A humhimnak hmun an phak tiang kuat an si, khualei kal kan duh an ti ahcun kal ter an si, cun India , Mizoram lei kal an duh zong ah kalter an si ko, an humhimnak hmun tiang kalter an si, CDM Support hna he zong pehtlaih piak in laksawng zong khan piak an si” tiah CDF-Hakha in biachim nak nawlngei tu nih a chim. Crd; The Chin Post

Be the first to comment

Leave a Reply

Your email address will not be published.


*