Ralhrang Nih Cycle In A Phorhmi Thilri An Lakdih

Nihin November 3, zinglei ah khualei tlung ding cycle pakhat cu Hakha in Thantlang lei kalnak gate ah ralhrang nih an tlaih i a thilri an check piak, a thilphorhmi ah simcard an hmuh caah cycle mawngtu cu lunghrinh in tlaih ding ah an kawl.

Khualei phorhding thilpuan tamnawn le chiti, cawhnuk le zeidang herhhai cu an lak dih, ralhrang nih thil rak hlam uh an ti hna ah angki zunhnih lawng an pek hna, zeidang thil vialte an lakpiak dih hna tiah thil tlaihpiak a tongmi he neihniam mi pakhat nih The Chin Post ah a chim.

Kan chin ram chungah hi bantuk in tlaihkhih a tam chinchin nak nih hin mipi caah himlonak le eidin I zalhnak a har chinchin nak a langhter. Rallokap tiah auh mi MAH kuttang riantuan tu tampi cu an mah diriamhnak lawng tuak in midang thil chuh le lakpiak in an tang I an so a paw ngai cang.

Cucaah chin state chung khualtlawn tik ah I ralrin deuh le thawngpang hlat hmasat ta hnu lawngah tlunkal I zuam u sih. Tih tuk in um fawn hlah u sih law kan upa hna le mipi ralrap PDF lei hruaitu hna zong thawngthanh hmasat ta hnu ah khual tlawn I zuam cio hna u sih.

Hakha Khuachung Ah Ralhrang Nih A Thil An Chuh. Nihin gate thil a lak a kir lei ah ralhrang nih a thil (kawl lei ah a cahmi) angkileng zunnga renglo an lak hnu ah a cheu bang cu an ka pek than tiah thil chuh a tong mi pakhat nih The Chin Post ah a chim. Nizaan zong ah ralhrang phu nih Hakha khuachung ah mi pakhat a phaisa tamngai an chuh tiah theih a si.

Kan khua le ram cia ah hi bantuk in tlaihkhihnak le thilchuh tiang kan ton, hmailei ah zeibantuk kan ton rih lai kan chim kho lo, cu caah ah tlun kal, I ralring deuh u si, khat le khat thawng thanh khawh I zuam u si. Mipi caah tihung a si tiah na ruah mi cu na pawngkam a um mi information pek khawh I zuam hram hna u si.

Be the first to comment

Leave a Reply

Your email address will not be published.