Ralhrang nih Hakha Siizung uktu Dr. Mang Biak Kung an thlah than cang

Ralhrang nih Hakha Siizung uktu Dr. Mang Biak Kung an thlah than cang
==============

September thla ni 9, zaanlei sml. 3:30 hrawng ah Hakha, Cherry Lam sang ah SAC ralhrang nih motor pahnih in Hakha sizung uktu Dr. Mang Biak Kung an tlaih tiah theih a si.

September 9 ah SAC ralhrang nih a inn ah an tlaihmi Hakha sizung uktu Dr Mang Biak Kung cu nihin September ni 11 ah an thlah tthan cang tiah theih a si.

Thantlang khuachung ah um ngam loin hmundang ah aa tthial chungmi a tam chin thluahmah cang. Thantlang ralzam bawmtu committee nih, “Thantlang khuapi cu van chuah tak tluahmah si ko cang…Hi ralzam tawkrelnak ca ah tiin Thantlang Placement Affairs Committe nih thialkamnak in siseh, umtu-thuttonak in siseh, tawlrel cuahmah an si.

Ralzam cazin zong tawl rel cuahmah a si…Ralzam hna caah ei-din, tirawl bawmh hau in kan um ko. Ramchung ramleng unau, nu le pa hna nan hnakar van kan tenh ko uh law,” tiah bawmhalnak zong an tuah.

September 10 zinglei ah Gangaw peng, Hnankha khuate pawng ah CNA le Gangaw-PDF i bawm in SAC ralhrang he kahdohnak a chuak i ralhrang 15 an thi, tiah tu zaan ah Gangaw-PDF nih thawng an thanh.

Nizaan ah Mintha ah PDF chungtel 13 le khuami 4 SAC ralhrang nih an rak thah hna. “Thah a tongmi Mintha-PDF chungtel pawl ca ah lehrul kan cham khawh. Raldoh a kan bawmtu CNA ralkap minung 10 cung ah kan i lawm tuk,” tiah Gangaw-PDF nih cathanh ah lawmhnak an ttial chih.

Nihin zinglei kahdohnak ah SAC ralhrang lei mithi/hliampu an tam caah zaanlei ah thazaang tampi in Hnankha khua ah an rak lut i inn 36 an khanghpiak hna. Nihin zinglei Hnankha khua pawng kahdohnak ah CNA le PDF lei in hliampu/mithi an um lo. Crd. The Chin Journal

Be the first to comment

Leave a Reply

Your email address will not be published.