Ralhrang Nih Vanlawng In Ankah Ruangah Minung Pakhat Athi Adang Pakhat Hliam Atuar Cun Khuami An Zam Dih

Ni hin chun hnu ah khan Phakan peng Nanhwa pawng Kathmaw ah ralhrang nih vanlawng in an kah hna caah khuami chung in mipa pakhat athi I adang nu pakhat  nih hliam hma atuar ve tiah theih asi. Cun SAC ralhrang hna nih vanlawng in an kah hna ruangah cun khuami hna cu an dih lak in khua an chuahtak i an zam dih.

Ralhrang hna nih nihin February 5, 2022 chun sml.12 hrawng ah khan raltuk nak Jet vanlawng 2 le helicopter pakhat in Nanhwa in Kamaw lei ah an kah hna I cun Zanlei sml.3 hnu hrawng ah khi Jet vanlawng pakhat in an va kahthan hna. February ni 3 le ni 4 ah khan Nanhwa thlang le I a um mi kha pawl ah KIA le PDF pawl hna I bawm in kahdoh nak fak ngai in achuak tiah theih asi. Source: Ka Chin Wave

CDF Hna Nih Ralhrang Mawtaw Cu Kaap Loin An Kirtak Than

Chinram chung I ralhrang hna he faktak tak in an I kah lengmang nak Mindat khuapi ah Feb 2 thawk khan kahdoh nak aa thawk than I ralhrang lei minung 3 an thi. Hi ralhrang athi mi hna chung in hin MA 3 neithal pakhat cu an lakkhawh tiah CDF Mindat in biachim tu Yawmang nih  Maivaan cahmai ah atarlang.

Feb ni khat zanlei sml. 4 le cheu ah kha mile 30 timi ah kahdoh nak achuak I SAC ralhrang minung 3 an thi, athi mi hna sin in CDF Mindat nih MA 3 meithal pakaht an lak. Lamkuih ah hmaisuang an rakthlah hna I ahnu in ara ding ralhra ng  pawl hna caah hettiah an kah cia lio ah lam pawng ah athli in aum mi CDF pahnih nih hmai ah arak ra tu ralhrang hmai suang hna cu an kah hna I an minung pa 3 an thih hi asi.

An I kahdoh chung hi Minutes 5 chung hrawng lawng asi. Cu hnu ah ralhrang hna cu an tuah ton bantuk in lampawng ah miruak pakhat cu an phum i thisen a um nak hmun pawl cu leidip le thetse an chilh ta hna. Hi an I kah doh ni ah hin ralhrang hna motor cungah hin hngakchia an I tel caah CDF Mindat nih pehtlai in kah ti loin an kirtak hna tiah CDF Mindat in biachim ti Ko Yawmang nih cun atial.

Mipi vengtu ralkap pakhat nih SAC ralhrang motor pakhat cu cunglei in kahding in aa timh lio ah Motor chungah hngakchia lawngte an thut ahmuh hna caah zeitin hmanh atuah than lo. Ahnu tlawmpal ah ka kah than ko hna lai tiah ameithal aa tim than I kah atimh hna ah khin hngakchia zei thei lo te an thih ding cu Pathian nih aduh lo tiah ka ruat than I kah than lo in akir tak than hna tiah Ko Yawmang nih cun atial. Siurce: Khit thit Media

Be the first to comment

Leave a Reply

Your email address will not be published.