Ralhrang Pawl Khuachung Ah A Au Lengmang Tupa Meithal In Ankah

November 14, 2021 chun sml. 11 hrawngah meithal in an kah tiah theih asi. Atu i kah atawng mi pa hi Manlay ramthen Hinthama khua ah dalaan tiah amin alang ngai ve mi Be Mg asi. A Inn ah ralin nak ca an pek hnu ah inn in achuak i ni tlawm pal aruah hnu ah ralhrang pawl a auh hna i khuachung ah aluh pi hna i khuachung in ceilak hrawh tiah khuami nih an chim.

Atu bantuk in meithal kah aton hi an khua in khuadang ah aum mi afa nu sin ah azam i cu kaa hmun ah aum lio ah PDF nih meithal in an kah hi asi. Hi pahi meithal in voi 2 an kah ah khin achung le dang an rak chuak i PDF hna nih hin midang hliam le harnak pek an duh lo caah an ngol tiah SGF nih an langhter.

November ni 7 lio ah khan khuanbawi pa meithal in an rak kah I athih lio zong ah khan ralhrang pawl an rak auh hna i  ralhrang nih nan khua nung in mei kan khangh lai tiah an rak hro ter cang hna tiah khuami nih cun an chim.

Cun hi pa ruang ah hin Hinthama khua ah Inn hnih hi ralhrnag nih an hrawh cang i cu lio ah cun khuami sin in chiti, facang le khuami thilri sui le tangkaa  hna zong ralhrang sinah an rak pet u asi tiah SGF nih an chim. Atu mi Be Mg athih tlawm pal ah hin Hinthama khauah ralhrang an phan i phungki siang in pakhat ah hmuhma an la tiah theih asi.

Nov 13, nizan ah Magway ramthen, Natmauk market cu a kaang i dawrkhan 200 renglo hna cu an ciam dih tiah theih a si. Hi market kanghnak ahhin khuami hna nih ralhrang tanhtu pawl kutneh a si lai tiah an zumh. Meikangh hi zaan 9:30PM hrawng ah aa thawk i suimilam pakhat tluk a kang, market i cheu li ah cheu thum cu a kaangh dih. Zaan 11:30PM hrawng lawngah mei a dai tiah theih a si.

Khuami pakhat nih cun Ram pumpi ah NLD zung tampi bomb an puah hnawh i an hrawh. Nizaan ah khan Pohpa ah a ummi Daw Khin Gyi Foundation training sianginn zong mei a kang. A thaizing ah atu kan khua Natmauk market a kang. A kangh caan hi hohmanh a leng chuah a ngah lo caan, leng chuah an kham caan a si. A kaangmi market hi anmah ralhrang tanhtu nih an hngah mi a si. Natmauk cu NLD lawng kan um nak khua a si.

Mah Caah hramhram in market hi an khangh mi a si. Phundang cun NLD lawng a tanhmi khua an hrawh ti khawh a si tiah a chim. Natmauk khua a ummi meithat zungah market a kanghnak a ruang an hal ko hna nain a kanghnak a ruang tha tein an chim duh lo. Meithat zung riantuan pakhat nih cun Dawrkhan 200 nak tlawm lo mei nih a kangh. A rawkmi dihlak a man tuak ah a tlawmte lo. Mei kaanghnak ruang cu kan thei kho rih lo. Kan hlat lio a si tiah a chim.

Be the first to comment

Leave a Reply

Your email address will not be published.