Ralhrang Riahcaw A Phortu Mawtaw Ceilak Bomb Puah An Si

May be an image of fog and outdoors

Sagaing ramṭhen Minmu peng Win Pih (ဝမ်းပြည့်) khua le Allakappa(အလ္လကပ္ပ) khua kar ah riahcaw a phortu SAC ralkap mawṭaw bomb puah hnawh a si tiah theih a si. SAC mawṭaw cu 136 an si i, Sagaing in Monywa lei ah riahcaw a phor mi an si. April 27 chun Sml 11:30 tluk ah bomb puah hnawh an si i SAC ralkap 10 an thi, tiah theih a si.

Black Eagle Defense Force hruainak in an doh hna i a voikhatnak padeta bomb lung 3 in puah an si mawtaw 6 cu kal kho ti loin a rawk. Cun a voihnihnak bomb lung 3 puah an si ṭhan i SAC ralkap 20 tluk hliam an tuar, tiah Black Eagle Defense Force-MMU nih an thanh. Back Eagle Defense Force, Myinmu People Defense Force, Myinmu Civil Revolution Force, Myinmu Hletse Pyohcia(မင်းမူလျှပ်စီးပျောက်ကျား) le CDSOM phunga fonh in an doh hna, tiah theih a si.Shwebo Peng Khua Pahnih Cu SAC Ralkap Nih Hriamngan In An Kah, Mei In An Khangh Sagaing ramṭhen, Shwebo pengkomh Kyaukmyaung(ကျောက်မြောင်း) peng Malar(မလား) le Makhoh(မခေါက်) khua cu nihin April 27 zanlei 6:00 hrawng ah SAC ralkap nih, hriamngan in an kah hnuah mei in an khangh, tiah tualchung mi sinin theih a si.

Kyaukmyaung peng Malar le Makhoh khua hna cu SAC ralkap nih hriamngan in an kah, mei zong in an khangh i Makhoh khua mi hna cu an zaam dih cang. NweNgein(နွယ်ငြိမ်း) khua mi zong zam ding in an i timtuah hna, tiah tualchung mi pakhat nih a chim.Makhoh khua ah hriamngan an tla i inn zong a kaang cuahmah. Zanlei Sml 6:00 in kangh hram aa thawk i hriamngan thawng zong kan theih peng ko, tiah tualchung mi nih an chim. Nihin April 27 zanlei ah Makhoh le Hinthakyi(ဟင်္သာကြီး) khua karlak ah SAC ralkap le PDF an i kap, tiah theih a si. Khit thit media