Ralhrang Tih Ruangah A Zam Mi Hna Nih An I Citmi Motor Cu A Leh Ca Ah Pa 3 An Thi Poituk E

Nihin may ni 12 ah ralzam nih an I citmi motor cu lamthlang ah a leh ca ah a chung I a citmi hna cu, cuka hmun a leh nak ah cu minung pa 2 hna cu an thi colh tiah theih a si, cu lawng si lo in a dang zong nih hliam fak ngai in an tuar chih tiah theih a si.

A thi mi hna hi Demawso pawnghrawng ah ralzam in a um mi an si tiah motor chungah minung 5 lak ah cu ka hmun ah cun pa 2 cu an nunnak a liam colh tiah theih a si, pakhat cu siikhan an ah an kal piko nain sikhan an phak mi ko nan rau lo te ah cun pakhat zong cu a thi colh tiah theih a si.

Thawng pang dang relchap, Pago ramṭhen, Taungngu pengkomh Htantapin peng Zayatkyi palik camp um, palik Htun Htun Win cu nizan May 11 zan ah zurit buin meithal a puah thluamah caah a pawngkam inn ummi ngakchiapa kum 13, Myo Myat Htun cu meithal kuan nih a khen caah a nunnak liam colh, tiah tualchung mi sin in theih a si.

May 11 zaan sml 8:30 hrawng ah mei a mit, Myo Myat Htun cu a zawmi a nu ca ah sanpioh eiter ding in coka a kal i Zuri pa palik Htun Htun Win nih duh paoh in meithal a kah caah Myo Myat Htun cu meithal kuan nih hmunhnih in a khen i a thi colh, tiah theih a si.

Myo Myat Htun nih a zawmi a nu cu sanpioh a eiter lioah Htun Htun Win nih a ṭaang ah meithal in a kah hi a si, An inn hi palik camp hnu ah a um i Palik pa nih a chim ning ahcun minung thlapale ka hmuh i ka kah tiah a ti. Anih hi palik Ar Ka Soe i a naupa a si, Palik camp nih Myo Myat Htun a nule pa cu sing 15 in an va nawl hna, tiah tualchung mi pakhat nih a chim.

Myo Myat Htun a ruak cu May 13 ah an vui te lai, Palik pa nih a thahnak kong hi khoika hmanh ah nan chim lai lo, tiah palik pawl nih a nu le pa cu an tlerhkhonh hna tiah theih a si.

Relchap, Zophei- CDF nih Dalaan Ngan tiah puhdah nak tampi in minung pakhat an tlaih. A nih hi mindat lei miphun asi, pin ah NLD Chan ah Halkha Khualipi ah Police Bo 2 in Rian a Tuan mi asi. Atu Khuapau dothlennak a thok hlan ah, NLD Police nih a Rian an rak puah cang mi asi ii, CDM a tuah le tuah lo zong theih asi loh. Tutang an tlainak kong he pehtlai in, thil sining cu, Halkha a um chung a chokvak poah ah Bomb le “Ammo” a Bawngbi le Angki leng Zal ah ai keng Peng mi asi.

Cu lawng siloin Memory Card pa3(4)zong ai put chih ton. Cu tin a um hnu in Thantlang Peng khua pakhat a tlawng nak ah, Nai ii Kan unua CNA ralkap pa 4 chungah a tthi mi pakhat cu a Ruak an vuinak hmunah Hman a thlak leng zong Zophei-CDF nih eyes witnesses in an hmuh chih fawn caah, cu kaa an hmuhnak khua ahcun an tlaih beh tiah fiang ngai in Thawng kan theih. Note: Anih hi an tlaih hnu a rau hlan ah Camp Victory ah an Kuat colh tiah Thawng a thei tu pakhat nih a kan chimh fawn. Hohmanh Copy Past tuah in wedsite le umpak in thlah/post kan siang lo.

Thawngpang Dang: Lashio – Muse lampi ah mipi mawtaw in a kal mi ralhrang kah an tong, 18 nak tam thi: Lashio le Muse karlak lampi ah mipi mawtaw in a kal mi ralhrang cu PDF fonh nih an kah hna caah minung 18 nak tam an thi tiah PSDA nih an thanh. May 4 ni zaanlei sml 5:40pm hrawngah ralhrang hna cu anmah ralkap mawtaw he siloin mipi hman mi mawtaw 5 he Muse lei ah an rak kir pah lampi ah Muse PSDA le PDF fonh nih an kah hna caah ralhrang 20 an thi i 4 hliam an tuar. PDF fonh lei in 2 nih ram le miphun caah nunnak an pek i minung 3 hliam an tuar tiah PSDA nih an langhter.

Mitlau Kalay, TatOo Thida (6) ah khuasa mi Pu Dal Van Mung i a fanu Zam Lam Cing (kum 12) cu nihin, May 12 zing slm 11:00 hrawng ah inn in a chuak i tutiang inn a hlam lo caah chungkhar lungrethei in an um. Zam Lam Cing hi Chinland, Tedim in Kalay ah a ra mi an si i an umnak zong a sau rihlo caah Kawlholh zong a thiam tuk lo. . A hmu mi nih a tanglei phone number ah pehtlaih ding in kan in nawl hna. – 09448699624 09887334812 Credit: TCP

NUG ramdang vuanci US a phan, acozah le ASEAN hruaitu cheukhat he zong an i tong lai: NUG ramdang vuanci Pi Zin Mar Aung cu US khuapi Washington DC a phan cang. Tutan a khualtlawnnak ahhin US cozah nawlngeitu hna he tonnak an ngei lai. Cu lawng hlah ASEAN hruaitu cheukhat Singapore ramdang vuanci he an i tong cang. Cun Malaysia le Indonesia ramdang vuanci he hna zong an i tong lai tiah theih a si.

Washington DC ahhin ASEAN le US hruaitu luban pawl tonnak ngei ding an si hna. Cu meeting ahcun US president Joe Biden zong meeting a kai lai. Tutan ahhin Myanmar ram kong hlei ah China le Taiwan pehtlaihnak kong, Russia le Ukraine ral ruangah Indo-pacific ah zeidah a cang kho timi kong ceihhmai ding a si lai. US nih cun tutan meeting ahhin Myanmar ram aiawh in ralhrang bawi Min Aung Hlaing an sawm duh lo nak kong official in an langhter. Asinain NUG hi Myanmar ram aiawh in an sawm taktak rih lo. Hi meeting ahhin Pi Zin Mar Aung a kai lai lo tiah NUG vuanci pakhat nih cun a chim.

Mipi bantuk in KNDF ram ah a kal mi ralhrang 3 an tlaih hna Karenni ram ah mipi bantuk in khual ai tlawn ter mi ralhrang minung 3 KNDF nih an tlaih hna. KNDF battalion 3 hmunhma chungah ralhrang ser mi thilri Beer siseh Kuak siseh a dangdang zong phurh le zuar a ngah lo. Cucaah KNDF nih cun khualtlawng chukcho hna cu an check hna i cubantuk a phur mi poh an thilri an chuh hna i an hrawk piak dih hna. Cun hi hnu pinlei zongah ralhrang thil ser mi zeihmanh luhpi lo ding in le zuar hrimhrim lo ding in theihternak an tuah.

Ralhrang Sehzung le Thong PDF nih an va kah, ralhrang an zaam Ralhrang Sehzung le Thonginn PDF nih an va kah nain ralhrang pawl an zaam dih. Taningthary khuapi pengah a um mi ralhrang Khairiat sehzung le Thonginn cu PDF fonh nih an va kah caah ralhrang pawl an zaam dih caah i kahnak taktak um loin hnu kan tawlh tthan tiah PDF lei nih thawng an thanh. Cu ti an kir dih hnu ahcun ralhrang nih cun heh tiah khuate pakhat cu hriam ngan in an kah tiah an langhter rih.

Cun PDF Meik Battalion 2 nih ralhrang Thong in zong an rak kah ve. Minutes 20chung hrawng an i kap i ralhrang lei in 3 an thi i 3 hliam an tuar. PDF pasalțha 1 nunnak liam i 1 hliam a tuar tiah an langhter.