Ralhrangbu nih Dalan paoh paoh cu raltuk Training a cawn piak cang hna lai

Ralhrangbu nih Dalan paoh paoh cu raltuk Training a cawn piak cang hna lai
==============

Mon ramkulh in pengkulh cheukhat ah ralhrang phu riantuan lungtlin pi nak ngeitu hna nih dirhmi phu hna cu, nawlngeihnak la tu ralhrang phu hna nih basic raltuk ning cang cawnpiak ding ah timhtuahnak an ngei tiah theih a si.

Ralhrang nih hramhram nawlngeihnak an lak hnu ah dirhpiak mi phu, pyusawthi phu hna le ralhrang riantuan lungtlin pinak ngeitu hna cu basic raltuk training le checkhlat thiamnak training cu honpiak ding ah timhtuah nak an ngei tiah ralhrang phu hna he a pehtlai mi pakhat nih a chim.

“Nai ah ralhrang phu hna nih dirhpiak mi phu, pyusawthi phu, a bik in ralhrang hna tanh in lungtlin pinak ngeitu hna an si” tiah a chim.
Atu ah ralhrang phu hna nih training kai ding hna cu min cazin khawmhsuat nak an tuah, cu training cu October thla zarhkhat nak ah thok ding in timhtuahnak a um tiah a chim.

Cu training a kai mi hna nih training an dih tik ah basic thlahlawh an ngah lai tiah a chim. “Training nan dih tik ah thlahlawh hmuh a si lai, zeizah dah ngah a si lai cu a fiang rih lo, basic thlahlawh pek nan si lai” tiah a chim chap.

Training a dih tik ah ralhrang phu hna nih fialmi cawlcangh nak ah ralhrang phu hna le training dih mi hna,ngandam in ummi ralhrang riantuan hlun hna cu fonh in cawlcanghnak ah an i tel lai tiah theih a si. Crd; The Chin Post

Be the first to comment

Leave a Reply

Your email address will not be published.


*