Ralhrangbu nih Karenni mino pa 2 nih an tuahto mi cu tuar thiam bak a si lo e

Ralhrangbu nih Karenni mino pa 2 nih an tuahto mi cu tuar thiam bak a si lo e
==============

Ralhrangbu tlaih a tong mi hliamhma he a khukbil dirhmun in hri an tem mi mino pa 2 hna cu Karenni ramkulh Sanpyah meng 6 lei(စံပြ ၆မိုင်ဘက်) in mino an si tiah an mah theih hngalh mi Karenni khuami pa 1 nih feternak a tuah.

Mino pa 2 hnih an kum cu pakhat kum 17 le 18 an si i an min cu Fidele(ဖီဒေးလယ်) le Pasakuale(ပါစကွားလယ်) hna an si i an um nak hmun cu Meng 6 khuabu Kayawpine(ကယောပိုင်:) in an si tiah an mah he an riantuan hawi mah hmun khuami nih a chim.

” Khua leng ah ralzam in kan um. Zingka ah khua a sining theih duh ruang ah khua chung ah kan va zoh. An pahinh cu ralhrang he an i ton sual i tlaih an si” tiah an riantuan ti hawi nih cun a chim.

A luan cia mi ni 2(September ni 9) ah tlaih an tong. A tlaih tu cu 102 Batallion a si. Mah hmanthlak zeitin mipi hmuhhan ah a chuak ti cu mah cu kei zong ka ruah ngai” tiah a mah nih a chim nolh than.

” Hmanthlak chung mino pahnih cu Karenni ramkulh Sanpyah meng 6 in mino hna an si cu fehternak kan tuah kho” tiah Karenni Army (K.A) sin in thawngpang hrimhram ngei pa 1 zong nih a chim. An nih cu PDF chungtel si lo in mipi sawhsawh an si ko i Mithalo ralhrangbu nih an thah cang hna tiah ” mino pa 1 i chungkhat pa 1 nih pumpak social media (mipi theihternak) ah fehter in a langhter.

Hmanthlak ah Angki a sen a hruk mi cu- Pasakuale
Hmanthlak ah Angki a dum a hruk mi cu- Fidele. Crd; Khit Thit Media

Be the first to comment

Leave a Reply

Your email address will not be published.