Ralhranh Hna Le Mipi Humvengtu Hna Kahdohnak Ah SAC Ralhrang 6 An Thi Tiah.

Sagaing Ramkulh Kalay Peng ah April 10 le April 11 ah SAC Ralhrang hna cu Mine an puah hnawh hna i Ralhrang 35 leng an thi tiah People Defence Force,Kalay sin in kan theih. Kalay Peng Chaungkhan khua lei ah a rak rami SAC Ralhrang Mawtaw 20 hna cu Spril 10 chunhnu suimilam 4:00 hrawng ah.

Panmonchaung hlei kam ah Mipi humvengtu hna nih MIne an puah hnawh hna, zanlei suimilam 6:30 hrawng ah Chaungkhuah khua le Natchaung khua kar ah Ralhrang hna le Mipi humvengtu hna kahdohnak a chuak i Ralhrang 2 an thi tiah kan theih.

April 11 zing suimilam 6:00 in chunhnu suimilam 3:00 tiang Natchaung khua ah hmun a lami SAC Ralhranh hna le Mipi humvengtu hna kahdohnak ah SAC Ralhrang 6 an thi tiah kan theih. Chunhnu suimilam 3:30 hrawng ah Natchaung khua in Tharsii khua lei ah.

Ralhrang hna an rak ratlio ah Mipi humvengtu hna nih Mine 24 an puah hnawh hna i Ralhrang 10 an thi tiah kan theih. Mah i a tangmi SAC Ralhrang hna cu Tharsii khua le Kyar Inn khua kar ah Mipi humvengtu hna nih MIne 29 an puah hnawh than hna i.

Ralhrang 9 an thi tiah kan theih.Chinsan khua le Zinkalin khua kar zawng ah Mine 12 an puah hnawh hna i Ralhrang 5 an thah than hna tiah kan theih,Kalay Technology University lei ah a rak rami SAC Ralhrang 30 hna cu April 11 zinglei suimilam 10:00 hrawng ah Zinkalin khua le Kalay Technology University kar ah.

Mipi humvengtu hna nih Mine an puah hnawh hna i Ralhrang 3 an thi SAC Ralhrang Motor hna cu Kalyamyo ah a lut tiah kan theih.Mah SAC Ralhrang hna le an Mawtaw hna cu PDF (Kalay), CNDF, CDF KKG, hna fawnh in an an tuahmi a si i SAC Ralhrang 35 leng an thi tiah Mipi humvengtu hna lei in Minung pathum hliam an tuar tiah kan theih.

Sagaing Ramkulh Tamu District ah Palik le Phu Saw Htee hna hmun an laknak Sakhaan pakhat Public Defense Army, Military Ground Engineering Force PDF – CEU le ABSDF hna nih an kah i Sakhaan cu an lakkhawh i AK pakhat le AIR GUN pakhat zawng an lak nain.

Palik pakhat le Phu Saw Htee pakhat bel te an zam kho tiah kan theih. Mah Sakhaan ah cun Palik le Phu Saw Htee hna he fawnh in rian an tuantu hna mipi pawl zawng an tleih hna i tuhnu ah SAC Ralhranglei tang hna he fawng le an sin ah zei rian hman tuan ti lo ding in biakam nak an neihter hna hnu ah.

mipi hna cu an thlah than hna tiah PDF-CEU nih cathanh an chuah.Crd:Khit Thit Media.

NUN CHIM TU, Kum 2022 Ah Ngeih Dingmi Lungput Kong Rak Rel Ve: Na mit in na hmuh ii na ton lomi cu na Kaa in va chim hlah. Aruang cu bia felfai lo a si kho. Na theihmi bia kha a hman bakmi a si tiah nangmah nih na hmuhton mi lawng kha chim.

Na theih lomi bia cu ka thei lo, ti kha tih hlah. Ka thei loh ti ko! A thei bantuk in naa umter a si ahcun nangmah lehlam na thil a rit menmen. Mi nih lung in an in cheh ahcun va chep ve duh hna hlah. An in chehnak lung tu kha na dirhmun a feh nakding lungphun ah cangter.

Minung hi kan tthancho, kan lar bakin dohdaltu kan ngei khun tawn. Dodal mi si an duh lo a si ahcun lar le minthan kha ii tim duh hlah. Buainak na ton a si ahcun ii chia rih. Bia na chimmi kha ii dinh ta law buainak cu amah tein an tian dih ko lai. Na sinak kha nangmah tein cawisan ii zuam law minih cawisan le,thangthat lawng kha va bawh hlah.

Khua a ruat kho lomi minung pawl he buainak na tuah hlah. Annih cu anmah le an caantawk, an sining he aakhat bang in anmah lawng va buai ko hna seh.Mi nih theih an duh lem lomi biathli kha a chim phuangtu va si hlah. Biahman a si hmanhah, chim dih ding tinak a si lo. Thingthei cu a hmin hnu lawngah lawh ii ei a si bantuk in khuaruahnak zong hi tlamtling te le zei a si ti kha fiang tein a chuak hnu lawngah langhter ding a si.

Nangmah le nangmah ka palh ii ti lengmang. Zeicahtiah ka palh ti kan ii theih hi mi hman, miding kan s ihram aa thoknak a si. Na thinlung chungah mi huatmi tamtuk ii chiah hlah. Cu nak cha cun kha lio caan ahkhan vawleicung ah keimah lawng hi ka um, tiah ruat law mi zeihmanh huat ding an ngei hna lai lo. Nangmah le nangmah naa huat a si le na palh tinak a si.

Mah le mah ii boachannak ngeihtluk in a tha mi a um lo. Asinain mah lungput nihcun that lo nak le porhlawtnak hmun ah in phak pi hlah she. Tangdor zong hi a tha ko nain, ralchiat tuk nak ah hmang fawn hlah. Hohmanh ka care lo, ti hmang hlah. Midang na care lonak kha nangmah le nangmah mual naa phohnak zong a si kho.

Thil tha tampi tuah hi a sual loh. Asinain a rak kirthan lai tiah ruahchannak he mi va bawm hlah. Mah cu naa bochan a si ahcun a rak kirthan lo sual a si ahcun na thin hunnak mei na alh ter menmen lai. ANupi Tha Nunzia Kong Relchap : 1.Na Pasal Chungkhat Daw Hna – Na pasal cu na duh ii na vat cangmi a si caah dawt chin lengmang ding a um lo, cuti kan ti tikah na huat lai tinak a si lo.

A biapi bikmi cu Nupi Mo tiah a rak in auh tu na pasal chungkhat pawl hna cung tu ahkhan na pasal na dawtnak kha va langhter. An rak in dawt lo le an in thangchiat hmanh ah nangmah nihcun dawtnak in lehrul hna law ni khatkhat ahcun na min a tha than lai.

2.Mi Thar Tuk In Um Hlah – Na pasal inn ah mothar, mithar bantuk in um hlah. Chonhkhenh a nuammi le komh a nuammi si ii zuam. Na duhnak chim kha tih hlah law, an ningzah lonak dingah nangmah nih an herhhai mi kha hal hna. Na ziaza zong thup tuk duh hlah, caan a ruah deuh tikah an in theih thiam te ko lai.

3.Thih Hlan Tiang  Chungkhar dirh ṭhat lo tluk in a harmi a um lo tihi thei law, voikhat na ngeihmi na pasal kha ka thih tiang in khua ka sakpi lai timi biakamnak ngei. Zei bantuk harsatnak a rat caan hmanhah na hna beidong loin cu harsatnak cu innchungkhar a hrawk khotu harsatnak a si tiah ruat in tei ii zuam.

4.Mi Ṭhektu Si Loin Mi A Pumtu, Mi Inn ah a lawimi Nupi Mo na sinak theih pengin na lawinak chungkhar ṭhektu men si loin chungkhar a rem tertu le a pumtu si ii zuam. Na pasal te chungkhar cu nangmah ruangah buai hna hl ah seh, nangmah thawngin remnak tu ngei hna seh.

5.Na Nu Le Pa Inn Len Uartuk Hlah- Na pasal rian a tuan chung ah maw, na pasal a um lo le caang kaa in na nu le inn lawnglawng ah na kal hlah. Na pasal nih Ka pi te, Inn ah va leng seh an ti hmanhah va el tawn. Na nu te inn lawnglawng ah khua nasak tuk ahcun na pasal chungkhat lei zei ii na rel hna lo ahcun anmah zong nih zeihmanh ah an in rel ve lai lo.

6.Mi Kong Ceih Hmang Hlah- Na pasal he maw, a chungkhat he bia elnak na ngeih sual ahcun hmun dangah chuahpi lo te in um ii zuam. Nan innpa sin ah maw, na hawikom sin ah maw an kong va ceih hlah. Abik in na nu le pa sinah chim lo tein um khawh ii zuam. Mi sinah an kong na va chim tuk ahcun, Nupi Muko, an in ti sual lai.

7.Nangmah Chungkhat A Thli In Thil Pek Hmang Hlah – na pasal le a chungkhar theih loin nangmah lei sahlawh chungkhat thil pek uar tuk hlah. Nangmah nih na siaherhmi hna a um ahcun na pasal silo le a chungkhat pawl hal ta hna. Mah cu nihcun Nupi than a sinak a langhter lai ii annih zong nih zeihmanh na bia el lo tein pakhat le pakhat karlak ah dawtnak le remnak a leng lai.

8.Na Pasal Na Duhdawt Nak Langhter Peng- Nangmah chungkhat lei an mithmuh le theih hngan ah na pasal na duhdawtnak langhter. Nan nupa le nangmah lei hmunkhat nan umtii caan le rawlhrawmnak nan ngeih caan ti bantuk ah na pasal philh lak in um hlah, an mithmuh hrimhrim ah na pasal zawn na ruahnak kha langhter.

9.PATHIAN Tlaih Peng  Zeizong te ah PATHIAN aa tel lo ahcun tlam a tling lo tikha va philh hrimhrim hlah. Chungkhar dirh timi hi a tluang peng lai ti va ruat hlah. Nungak le tlangval lio bantuk in ii duhdawt khawh lo caan a um. Harsat caan, hnabeidongh caan, sungh zatlak caan zongah nuva sinak kaltak loin PaThian hmai ah thlacamnak he hmainor ii zuam chinchin.