Ralkap A Ttanh Tu Hna Nih Mi Dawr Chung Ah An Lut I,Thil An Lak Dih.

2021 February 12 ah Mandalay Meitila Myone chungah Ralkap Uknak a cohlangtu Mipi nih lawmhpi nak puai sunglawi ngai in an tuah. Ralkap uknak lawmhpi nak ah ai tel mi, Minung 10 hrawng nih Car Gate pawng Dor pakhat cu an luh hnawh i, an hrawhhral dih tiah theih a si. Cu lengah Dor chung Phaisa le Suithi pawl an lak chih rih.

Hi kong he pehtlai in Palik nih tthaten an theihkhawhnak ding le tuanvo an lak khawhnak dingah an i zuam cuahmah lio a si.Ralkap uknak a cohlangtu hna nihhin zaanlei suimilaam 5:00pm hrawngah Dawr cu Chai in an chaih, lung in an cheh. Cu hnu ahcun Dor chung thilri vialte zong an hrawhhral len tiah theih a si.

Dawr chungah Daw Aung San Suu Kyi a cohlangtu pakhat a lut tiah Ralkap uknak a cohlangtu hna nih an ti hna. Nain, Dawr ngeitu nih a lut lo tiah an leh hna. Cu hnu ahcun thlaohkhawh ti loin Chai in an chaih. Dawr chungah rawl a ei mi Hngakchia 2 zong an zaam tiah” Mibawmchantu pakhat nih a chim.

Chai chaihnak ruangahhin Dor ngei tu telh in Nge-La-Min Hotel Manager pakhat hliamhma an pu. Cuucaahcun Palik sin ah theihternak an tuah ve cang. Hi kong he pehtlai in Palik nih zeitindah tuanvo an lak lai timi cu O Media nih dothlatnak kan tuah cuahmah lio a si tiah an langhter.

Ref: O Media

Be the first to comment

Leave a Reply

Your email address will not be published.


*