Ralkap Hna Do Ding In Pastor Le Saya Hna Zawng An Ttang Tuk Cang

Kawlram ralkap duh lonak cu nikhat hnu nikhat in an linsa chin lengmang cang. Nihin ahcun Kawlram chung Cozah rianttuan zung kip, Meithat zung, Thingram zohkhenhnak zung, Sianginn cachim, Sibawi, Sihne (Lawyer) lei ti bantuk in an mah le sining cio in sandah piahnak ah an i tel hna. Cu lawng si loin Kawlram zukcawl zung lei rianttuan tu, lemcang pawl hna zong an dihlak ngawt in an chuak hna i zalam pi ah sandah an piah ve hna.

Cu lak ah Phungki pawl zong zalam ah an chuak hna i raltha taktak in Ralkap Cozah kan duh lo tiah an au ve hna. “Nihin Sandah piahnak ah a linsa ngai mi cu Khrihfa Pastor a simi Rev. pipi zong an mah Uniform hruk bak in zalam ah an chuak i ralkap duh lonak an langhter mi hi a si”.

A tu hmanthlak kan tarlangh mi Pastor, Rev puitling pawl le Khrihfabu hruaitu pawl Sandah an piahnak hmanthlak hi nihin ah mipi nih an sunlawih ngai ngai mi a si. Raltha tein Pastor zong an dir ve tikah mipi thazaang a um ngai ngai.Laitlang zong ah Khrihfa bu “Thantlang Baptist Church nih mipi dirkamhnak le ralkap kan duh lo timi cu raltha taktak in an langhter ve.

TABC le TBC 2021 February 8 (Cawn nikhat ni zingka) ah ramle miphun caah thlacamnak an ngei i mipi he kan dirti ko tinak ah kutdong pathum thlir in hmanthlaknak zong an ngei ve.Pathian kan dirpi ko, teinak kan mah lei ah um hram sehlaw hramhram ralkap uknak hi kan tei piak hram ko tiah zumtu dihlak zong nih thlacamnak he dir peng rih hna usih.

Be the first to comment

Leave a Reply

Your email address will not be published.