Ralkap le Private Motor An Ni Pak Sual,Motor Ngeitu Pa Phaisa Ting Hlei Thum Ralkap Nih An Chuh Dih.

Hi Motor an ni pah sual nak ah hin, Ralkap nih Motor Ngeitu Pa Ting 13 an Firpiak.April 13 zaam sml. 9:00 hrawng ah Hakhathar Aung Datsi dawr hmai ah ralkap motor le Ko Ngyi Ngyi Tun timi pa motor an i pah sual i, ralkap nih Ko Ngyi Ngyi Tun tangka ting 13 MMK an firpiak, tiah thong theih asi.

Hi bantuk in an ni pah sual lio ah hin, ralkap nih Ko Ngyi Ngyi Tun cu an tlaih i an velh chap. Cun, zaan khat chung an hren.Ko Ngyi Ngyi Tun nih, “Aung Datsi dawr pawng ah kan i pah sual. Ralkap nih an ka kulh i an ka velh. Cun, zaan khat chung an ka hren. Zinglei ah an ka thlah i ka motor chung ka zoh tik ah ka tangka ting 13 MMK ka chiahmi a um ti lo.

Kawl ralkap pawl hna cu, ka tangka khawika dah a um tiin ka hartik hna ah, na tangka tlau kong ah ttuanvo kan la lo an ka ti,” tiah a chim.A tangka an lak pin ah ralkap nih “Kan motor a rawkmi na kan remhpiak lai” tiah Ko Ngyi Ngyi Tun cu an ti chap.Asinain, Ko Ngyi Ngyi Tun nih “Ka tangka nan ka pek lawng ah kan remhpiak hna lai” tiah a leh ve hna.

Ralkap nih hin tangka duh tawk in an lak hnu ah cun na duh paoh in tuah ko tiah an ti i, an kalter.Nizan Hakha ah ralkap nih phungning loin mi inn bauhnak le tlaihkhihnak pawl an tuah i minung 4 zong an tlaih hna, tiah The Chin Journal nih kan fehter khawh.

Credit: The Chin Journal.

Be the first to comment

Leave a Reply

Your email address will not be published.


*