Ralkap Nih An Mi Tlaih MI An Hmun Lo Caah,A Nupa Hna Tiam In Minung (5) An Tlaih Hna.

Hakha thar ah ralhrang hna nih mitlaih ding an kawl ii an muh hna lo caah kum 60 cung nuva hn atelh in minung 5 an tlaih tthan hna. Tuni zanlei suimilam 5 le 6pm kar lak ah khan ralhrang cu Hakhathar ah mitlaih dingin an I thawh. Mitlaih ding an hmuh hnalo caah kum 60 a luancang mi nuva hna telh in minung 5 tlaih khih an tong tiah theih asi.

An fapa tlaihkhih dingin an inn ah an rak raa nain an fapa an hmuh lo caah an mah nupa tu cu an tlaih colh hna nak hi asi.Minung pakhat deuh zong an kawl ii an hmuh lo caah a pawngkam . ummi an tlaih ve. Meithal an thlahmi thawng a theih caah tlik aa tim ii a laumi zong cu an tlaih chih ve. A dang inn an va lut tthan ii minung pakhat zong an tlaih vet than. Zeiruang ahdah an taih hna theih asilo lengah phaisa ting 2 an fir chap rih tiah Hakha upa pakhat nih cun achim.

Tlaihkhih a tongmi hna an min cu Pu Ca Kung le a nupi, Pi Ram iang, Pu Bawi Hram, Pa Ram Ceu, Pa Than H Thang le Nu Ni Tin Thluai hna an si.Relchap: Myinchan khua ah kumtling lomi taangkua a cawng liomi pa Mg. Htet Aung cu kawl ralhrang hna nih an kahthat. An thah lawng hmanh siloin a ruak tiang zong pe duhloin ralhrang nih cun an i kal pi colh tiah khuami hna nih cun an chim. Tuzing May 7, zing suimilam 5:30 am ah bomb puah thanwg athang.

A rauh hlan ahcun cu puahnak hmunhma pawngkam ahcun ralhrang hna an lut colh. A pawngkam um mi kum tlinglo Mg. Htet Aung cu an kah that tiah theih asi. Meithal kuan in a lu an khen caah a nunnak aliam ii a ruak zong pe duh loin an mah nih an i kalpi tiah theih asi.
Hi an kah thatmi pa hi kum 15 telawng asi rih. An thah hleilo ah a ruak zong a tutiang hi an pe duh hnalo tiah khuami pakhat nih cun achim.

Bawipanih kal takmi hna chungkhar cu awmhnak in thlen piak hram hnaseh. Lung afak tuk hringhran ko e, vawlei caan zoh ahcun thawngchiat nak lawngte asi ko cang. Ralhrang hna hrimhrim hi a ruah hlan ah Lung Faknak n tawn lai..

Be the first to comment

Leave a Reply

Your email address will not be published.