Ralkap Nih An Tlaih Mi Hna Rangoon Chief Minister le Mandalay Chief Minister Thin Phang An Siko.

Yangon ramthen Chief Minister Phyu Myint Thein le Mandalay ramthen Chief Minister Dr. Zaw Myint Maung hna cu inn thong ah an chiah hna hnu ah hmun dang ah an thial than cang hna tiah thawngpang a leng mi cu a dikmi thawng a si ko tiah NLD lei hruaitu pawl nih an fekter hi a si. Mandalay ramthen Chief Minister Dr. Zaw Myint Maung cu nihin Hluttaw palai pawl umnak inn ah chungkhar he an ummi hna cu nihin ah an auh i hmundang ah an thial tiah theih a si.

Dr. Zaw Myint Maung chungkhar hna cu an umnak thing ah an chiah ko hna i, amah Dr. Zaw Myint Maung lawng in an auh tiah thawng theih a si. Dr. Zaw Myint Maung hi a ngandamnak lei a tha lo, tiah theih chap a si. Yangon ramthen Chief Minister Phyu Myint Thein cu nizan tini ah khan an auh cang. NLD party lei in chimhnak ngeihtu Dr. Myo Ngunt cu aana ting ni February 1, 2021 thawk in an tlaih cang i, nihin ni tiang pehtlaih khawh a si lo tiah chungkhar lei nih an chim. Cucaah, chungkhar lei nih an chim ning ahcun a din tawnmi sii-ai zong a ken lo caah kan lungre a theih tuk hringhran tiah media sinah an chim.

Hi bantuk asi caah hin,Dr Zaw Myint Muang Cu a chungkhar an lungre thei i,ralkap leiah a thongpang hal dingin an kalkit zawngah zeihmanh theihkhawh mi le hngalhkhawh mi an ngei lo tisi. Cu bantuk cun, U Phyu Mint Thein zawng hi,an thial hnu cun,zeihmanh a thongpang theih khawh a silo caah chungkhar lei zawng an buai ngaingai tiah media hna sinah an chim ve tiah theih asi.

Be the first to comment

Leave a Reply

Your email address will not be published.


*