Ralkap Nih Dr.Cungpi An Tlaih Nak A Ruang/Konglam Theih Si Cang.

Tu naite kha Hakha khua Pyidawta sang ah a um Dr. Cungpi an tlaih tiah theih a si. Cu kong he pehtlaih in Tluang Ceu Thang nih ‘Mino vialte chuak dih u, Pyidawta Cungpi te inn ah. Atu rak chuak dih u. Atu rak chuak dih u” tiah a facebook timeline ah a tarlangh hi a tang comment box ah Dr. Cungpi (Dr. Ngun Cung Lian) an tlaihnak le an kalpi nak an fianter than hi a si. Cu pinah Lai media tampi zong nih an langhter ve.

Zeipoh siah Hakha khualipi ah ralkap an lawr tuk cang. Khua dangdang ahcun khuami nih an khua sianginn le siizung tibantukah a ummi ralkap pawl an thawl hna nain kannih Chin ramkulh ahcun Hakha ah siseh, Falam ah siseh, Tedim ah siseh kan thawl ngam hna lo caah harnak an kan pek cuahmah cang. Kan unau Mindat pawl cu an khua chung ralkap a lutmi pawl fei he nam he an thawl i an thawl kho tiah theih a si.

Ralkap nih Dr.Ngun Cung Lian( Cungpi) an tlaih mi hi,amah cungpi tlaih dingin ani tim lo i,Minung an ni palh caah si tiah theih asi.Tlaih ani tim mi cu Dr.Biak Cung Lian a si i,kani palh caah kan thlah tthan ko lai tiah an chim.Si nain an thlah hlan lo cu mino pawl nih hngah peng ani tim ve tiah theih asi.

Tu zing thiamthiam ah Hakha khua chung a um mi CCPR (Chin Center for Peace and Reconciliation) zung cu ralkap 20 hrawng nih an luh hnawh hna i zung hngak zong an tlaih ti si. A dang minung pa zeizat an tlaih hna ti mi cu theih a si rih lo. CCPR zung chung cazin le catlap mei in an khangh i computer chung um mi an hrawh piak hna tiah theih a si. Zeiruang ah dah CCPR zung an luh hnawh ti mi cu hlat cuahmah lio a si tiah Lengkawite nih a facebook timelines ah a tarlangh ve.

Nihin Hakha khua chung thil cang kong he pehtlaih Jacob Thang nih a lunghrinhnak cu a tanglei bantukin a langhter ve. A timi cu, “Hakha khua chung ah thawngpetu an um hrimhrim. Laimi lila an si. Nan pawngkam thil sining tha tein rak ngiat ve cio hna u. Thawngpetu cheukhat konglam zong theihpah a si cang. Mizapi sin ah phozaar le mualphoh a si te lai. Laimi thawngpetu pawl rak i ralring u. Nan chungta khar in a zungzal mualphoh nan tong lai hih. Share loin rak i taar ve” tiah a tial ve.

Be the first to comment

Leave a Reply

Your email address will not be published.


*