Ralkap Sakhan Tuluk Ramiri I A Um Mi Cu,KIA Nih A Dih Lak In, An Chuh Tthan Dih Cang Hna.

Tuluk le Kachin ramri ah a ummi (Alaw Bum sakhaan )a rak dohtu Myanmar ralkap battalion hna cu KIA nih an battalion ning in an lak dih cang hna, tiah theih KIA lei thong thanh tu nih cun a chim cang.

Kawl ralkap hna cu (Kha Ma Ya )(320) ah minung 100 leng an i tel i, Battalion Commander a thih pin ah ramlak ah ralkap pathum hrawng lawng an taang, tiah Kachin thawngzamhnak nih an ttial.KIA chimnak nawlngei Col. Naw Bu nih, “Myanmar ralkap lei a thimi an tam ngaingai tiah kan theih. Kha battalion i kawl ralkap pawl kha KIA nih an lak dih cang hna tiah an chim mi cu asi.

Kawl ralkap lei hna hi, an thi dih ngawt i,a nungmi ralkap pahnih pathum lawng an taang. Atu hi mah a taangmi Myanmar ralkap pawl cu ramlak ah kan kawl hna lio a si,” tiah a chim. Kha Ma Ya (320) ralkap pawl cu Alaw Bum sakhaan doh ding in bu 2 in an i tthen i an rak kal. Bu khat i an hruaitu ralbawi a thih caah an kir tthan.

A dang a taangmi bu khat hi KIA nih atu ah an lak dih hna hi a si. Alaw Bum tlaang a dotu ah aa telmi Myanmar ralkap pakhat zong Laiza pawng i khua ah a zaam i, khuami pawl sin ah tirawl a hal hna.Cu ralkap nih cun, “Ramlak ah rawl kan ei lonak ni 8 a si cang i ka cerh hrimhrim ti lo tiah a chim ti si.

Kan ei mi hi a chia tuk i, Banluang zim pawl lawng kan ei,” tiah khuami a chimh hna i rawl a hal hna. Alaw Bum sakhaan cu KIA nih March 25 ah khan Myanmar ralkap kut in an rak lakmi a si. Myanmar ralkap nih nizan tiang pehzul in ni 4 chung vanlawng in an kah nain an la tthan kho ti lo.

Credit : RFA/Kachinwave

Be the first to comment

Leave a Reply

Your email address will not be published.


*