Ralkap Tei Nak Tiang In Hriamnam Kan Ngeih Khawh Nak Ding Ah Cun,Ralkap Nih Uk Nak An Peh Rih Deuh Hau Rih : By Col . NawBu KIA

Ralkap nih uknak an lak mi hi,Fawi tein mipi sin ah a kan pek rih lai lo.Mipi nih Federal Democracy kan lak khawh nak ding ah cun,Mipi nih meithal pahat cio kan ngeih a herh ti si.cu bantuk thil a si caah cun ralkap ternak ding tiang in hriamnam kan ngeih khawh nak ding cun,caan kan herh/duh rih tiin a chim nak cu si.

Ralkap nih uk nak a peh rih ko ahcun mipi dihlak, pakhat hmanh tang loin hriam an tlai cio lai tiah KIA in bia chim nak nawl ngei tu,Col. Nawbu nih a chim.A tu=ah US,Uk UN kan ti mi hna zawng nih hin,zeitik hmanh ah kawlram hi an tu lai lo i,a caan tu a dih lengmang ko lai ti hi,vawlei cung mithiam hna nih an hmuh mi cu si.

A tu caan ah ralkap doh ding ah mipi hña cu an mah dang ten biaruah len in chimh len an hau lo, an mah he aa neih nak hmun cio ah ralkap do mi phu sin poh ah,mipi lei in an mah ten i tel in an lut cio hña tiah Col. Nawbu nih cun a chim duh nak si.Cu caah (NUG)zawng nih hi hi cu a theih cia a si lai caah a rannak in le ralrin tein a khan cawlh a hau mi si cang.

Cu ruangah hmun kakhat, phukhat hruai nak ah rallokap uk doh nak ding caah a rak i fon mi mino pawl hi za reng lo le thong reng lo an si kho tiah tongmangham Nawbu nih a chim.

KIO/KIA lei in , ram chung , ram leng ah a um mi mipi dihlak he hmunkhat ah dir ti in kahdohnak ah i tel i ralhrang rallokap an tlak khawh nak ding ah kan za pi cio in kan doh lai tiah a chim.

” Kan nih KIO cu mipi hña he hmunkhat ah dir ti mi phu kan si. Mipi cu kan nu can le kan pa can nan si, cu ruang ah mipi hña cung ah zumh awktlak ten kan um, mipi hña ai ah kan mah Kachin mi lawng kan chim mi a si lo, Kachin ramkulh mipi hña lawng kan ti mi a si lo , ram ning pi ah a um mi mipi vialte hna cungah zumh awktlak ten kan um, hmunkhat te ah kan in dir pi ko hña . Curuang ah rallokap phu nih nawlngaih nak an lak mi a tlak khawh nak ding ah mipi hña he hmunkhat te ah kan doh ti hña lai”…

KIA nih an lak khawh mi Alawbum sakhan pawng ahcun tukar hrawng mah dohnak a dai tiah Col. Nawbu nih a chim.KIA nih an lak khawh mi Alawbum sakhan pawng ahcun tukar hrawng mah dohnak a dai tiah Col. Nawbu nih a chim.Ralkap lei in an sungh mi Alawbum sakhan cu ngahthan ding ah van lei he, vawlei lei he an doh hña na in tu ni tiang ahcun la kho in KIA kut chungah a um ko .

A tu lio Alawbum lei kahdohnak a deih mi hi rallokap lei in kahdoh ning cang(ဗျူဟာ) thlen an timh mi a si kho , cun kahdoh a chuah nak hmun dang hña ah bawmtu an i thlah ca zong ah a si kho tiah Col. Nawbu nih a chim cang.

Credit : The Chin Post.

Be the first to comment

Leave a Reply

Your email address will not be published.


*